Lajmet

Allweb, konferenca e marketingut dixhital dhe uebit mbahet për vitin e tretë radhazi

Aug 17 2018
0 Shpërndarje
Një event unik ku ndërthuren thjeshtësisht perspektivat që ofrohen nga përvojat e folësve të mirënjohur ndërkombëtarë me praktikat më të mira lokale të përcjella nga ekspertë të industrisë nga rajoni. Allweb, konferenca e marketingut dixhital dhe uebit mbahet për vitin e tretë radhazi

Konferenca e përvitshme dedikuar marketingut dixhital, ka nisur përgatitjet për edicionin e saj të tretë.

Tashmë prej 2 vitesh si organizim, AllWeb është konferenca që i tejkaloi pritshmëritë duke ndikuar fuqishëm në skenën shqiptare të zhvillimit të Marketingut dhe Inovacionit me përmbajtje cilësore nga folës Ndërkombëtarë / Rajonalë dhe vendas.

Duke pasur parasysh rolin e rëndësishëm të ekonomisë dixhitale në rritje, kjo konferencë mbledh së bashku shumë aktorë nga fusha të ndryshme që punojnë apo influencojnë këtë treg që në të ardhmen e afërt premton shumë.

Kompani apo brande të mëdha që kanë fokus tek transformimi dixhital, agjencitë e marketingut, ekspertë marketingu, inovacioni, zhvillimi, ICT, mobile, profesionistë të PR dhe Social Media janë pjesë përbërëse të audiencës.

AllWeb lindi në Maqedoni në vitin 2012 si një konferencë e përvitshme, e cila pasqyronte përmbajtje cilësore, folës fantastikë dhe raste studimi të dobishme në një skenë të vetme, brenda një dite.

Një event unik ku ndërthuren thjeshtësisht perspektivat që ofrohen nga përvojat e folësve të mirënjohur ndërkombëtarë me praktikat më të mira lokale të përcjella nga ekspertë të industrisë nga rajoni.

Allweb në shifra:

  • 160+ persona në skenë
  • 2000+ persona në eventet si audiencë
  • 100+ brande partnere
  • 1200+ artikuj në media
  • 7,000+ tweets gjatë ditëve të konferencës
  • 120,000+ ndërveprime në Social Media

Që nga viti 2012, në skenën e AllWeb, janë ngjitur më shumë se 160 prezantues, nga kompani ndërkombëtare si:

Google, The Coca-Cola, TechCrunch, T-Mobile, McDonald`s, The Drum, Microsoft, Escape Studio, Manifest Social, Executive, GroupPRPepper, Publicis, Rinkya, Grouper, 404 Agency, McCann Erickson, Httpool, Cedevita, NewMoment, PressClipping, Scholz and Friends, Mobius, Inteligencr, TopShop (Studio Moderna) Digitalizuj.me

Ky aktivitet është i vlefshëm për Kompanitë, CEO-t dhe punonjësit e tyre që punojnë në departamentet e marketingut, komunikimit, PR, menaxhim, teknologji, inovacion, media e re, media sociale, strategji, sisteme informacioni etj: për Agjencitë e Reklamave, Marketingut dhe PR dhe stafin apo klientët e tyre; për Mediat e reja dixhitale dhe tradicionale; për Sipërmarrjet e reja Startup dhe drejtuesit e tyre; Konsulentët financiarë dhe Strategjikë; Menaxherë Brandesh / Markash; Ekspertë të Shitjeve Online; si edhe për cilindo që është përdorues i teknologjisë dhe që kërkon të dijë se çfarë parasheh e ardhmja e afërt e zhvillimeve të komunikimit në një epokë tërësisht dixhitale.

Të ftuarit në skenë ndajnë ekskluzivisht për audiencën përvojat dhe këshillat e tyre për atë se si komunikimin në internet ta shndërroni në mjet në përkrahje të biznesit.

Për më tepër informacion rreth folësve, programit dhe për vetë konferencën vizitoni www.allweb.al /PCWorld Albanian

Tags >

AllWeb
Lajmet e fundit>