Lajmet

Aplikacioni Gmail në Android lançon transfertat e parave

Mar 15 2017
0 Shpërndarje
Nëse keni shkruar ndonjëherë një e-mail në telefonin Android patjetër keni menduar dërgimin e parave pa qenë nevoja të kaloni në aplikacionet Venmo, Square, apo Google Wallet. Aplikacioni Gmail në Android lançon transfertat e parave

Duke filluar nga dita e sotme, nëpërmjet një përditësimi në Play Store, Google do të bëjë të mundur dërgimin e parave në Gmail. Ndërsa kjo nuk përbën risi për aplikacionin në ueb të Gmail, në Android po.

Dhe nuk është e kufizuar vetëm për kontaktet Gmail e as nuk është e domosdoshme një llogari në Google Wallet. Google shpjegon:

“Marrësit do të pranojnë dhe dërgojnë para nga vetë e-mail-i pa qenë nevoja të instalojnë një aplikacion pagesash. Duke lidhur llogarinë e tyre bankare, ato mund ti transferojnë paratë në bankë menjëherë. E gjitha është falas për të secilin prej jush.”

Për të përdorur veçorinë e re, klikoni ikonën e kapëses në krye të aplikacionit ndërsa po shkruani një e-mail. Do të vëreni dy opsione: Send Money dhe Request Money.

Përzgjidhni njërin prej opsioneve dhe përcaktoni mëpas sasinë, burimin, dhe lajmërimin që do të jetë pjesë e mesazhit.

E nëse dikush ju ka dërguar para, e gjitha që duhet të bëni është të klikoni lidhjen Claim Money. Aktualisht ky funksion është i kufizuar vetëm në SHBA.

Nuk ka asnjë detaj në lidhje me zgjerimin e disponueshmërisë në iOS dhe për të gjithë përdoruesit në mbarë botën. /PCWorld Albanian

Lajmet e fundit>