Lajmet

Dentem prezantoi DX Vision projektin inovator bazuar në inteligjencën artificale

Sep 20 2017
0 Shpërndarje
Quhet “DX Vision” është projektuar për të identifikuar çdo objekt si implantet, mbushjet etj... me anë të rrezeve X. Dentem prezantoi DX Vision projektin inovator bazuar në inteligjencën artificale

Dentem, platforma e parë shqiptare dedikuar dentistëve, prezantoi ditën e sotme projektin më të rëndësishëm të saj.

Quhet “DX Vision” është projektuar për të identifikuar çdo objekt si implantet, mbushjet etj… me anë të rrezeve X në grafitë dentare.

Startupi me anë të një postimi në platformën social të gazetarisë Medium përshkroi projektin e saj prej tri fazash.

Gjatë fazës së parë, ekipi i Dentem shfrytëzoi inteligjencën artificiale dhe algoritmat për të gjurmuar objektet. Gjatë testimit të këtyre algoritmeve, u arrit një saktësi prej 99%.

Në fazën e dytë Dentem ndërtoi një model dhe e trajnoi atë në mënyrë që të etiketojë objekte të shumëfishta brenda një rreze të vetme X.

Kjo fazë trajnimi është në hapat e para dhe Dentem premtoi ta demonstronte së shpejti atë.

Në fazën e tretë, algoritmi do të ofrohet për një numër të vogël përdoruesish dhe trajnimi i tij do të vijojë për ti hapur rrugë një testimi të gjërë ku përfshihen të gjithë praktikantët dentarë.

Etiketimi i një rreze X do të jetë njësoj sikur të etiketohej një mik në një foto në Facebook. Startupi beson se me implementimin e këtyre teknikave moderne, ata do të ndërtojnë një mjet i cili do të ndryshojë përgjithnjë praktikat dentare dhe analizimin e rrezeve X.

Në Maj, Dentem ju bashkua inkubatorit më të madh Evropian në Francë, Station F.

Atë kohë Dentem premtonte zgjerim në inteligjencën artificiale, realitetin e shtuar dhe atë virtual në mënyrë që tua bëjë më të lehtë jetën dentistëve.

Station F është inkubatori më i madh Evropian i startupeve dhe mbështetet fuqimisht nga gjigandi i rrjetit social Facebook.

Finalistë në edicionin e katërt të Albanian ICT Awards në kategorinë ICT Mobiliteti i Vitit, Dentem është platformë e parë online zhvilluar nga një ekip shqiptarësh dedikuar dentistëve e cila u lejon atyre të menaxhojnë axhendën e tyre, dosjet e pacientit, automatizimin e marrëdhënieve me pacientët dhe u japin atyre një përvojë të re emocionuese në Cloud.

Shërbimi është i disponueshëm online përmes ueb aplikacionit Dentem por edhe në platformat mobile Android dhe iOS. /PCWorld Albanian

Lajmet e fundit>