Lajmet

Facebook lëshon azhurnimin më të madh SDK për iOS

Jul 12 2012
0 Shpërndarje
Facebook lëshon azhurnimin më të madh SDK për iOS

Facebook sapo ka lëshuar një rishikim madhor të platformës së vet të zhvillimit softuerik (SDK) për iOS, duke përfshirë përkrahjen për sistemin e ardhshëm iOS 6 dhe një veçori shtesë iOS Dev Center që përfshinë dokumentimin dhe burimet për zhvilluesit. Facebook premton veçoritë që e reja në SDK do ta bëjnë më të lehtë të bëhet zhvillimi i aplikacioneve për Facebook të integruara në Facebook.

Ja disa nga veçoritë:

-Menaxhim i përmirësuar i seksionit, duke nënkuptuar që do të jetë më e lehtë për zhvilluesit të bartin verifikimin në Facebook

-Veglat e para-zhvilluara për të paraqitur fotografitë e profilit të përdoruesit, Facebook Places dhe më tepër.

-Përkrahje e përmirësuar e veçorisë për Objective-C, që është gjuha programuese e iOS, përfshirë menaxhim më të mirë të memorjes.

-Përkrahje më e mirë për API-të e Facebookut.

Facebook premton gjithashtu që sapo iOS6 të jetë në dispozicion SDK-ja do ta përdor veçorinë për qasje në Facebook që ishte lajmëruar më parë.

Ky lëshim ndjek njoftimin e Twitter që ky rrjet është duke thyer përdorimin e API-së nga zhvilluesit e aplikacioneve të palës së tretë. Twitter nuk ka një SDK për iOS, por ka lëshuar disa librari për Objective-C. Google lajmëroi një SDK për iOS të Google+ gjatë muajit të kaluar.

Mobiliteti ka qenë një cak i dobët për ndërmarrjen Facebook dhe shpesh është cekur si motivi për blerjen prej 1 miliard dollarësh të aplikacionit Instagram. Duke ndërtuar një varg veglash për ta bërë sa më të lehtë shtimin e veçorive të rrjetit social në aplikacione, ndërmarrja mund të jetë duke e përgatitur terenin për t’i lejuar zhvilluesit e palës së tretë që të zbulojnë rrugët më të mira për të sjellë rrjetin Facebook në smartfonë. (PCWorld Albanian)

Lajmet e fundit>