Biznes

Google blen Motorola’n për 12.5 miliard dollarë

Aug 15 2011
0 Shpërndarje
Google blen Motorola’n për 12.5 miliard dollarë

Google ka ofruar rreth 40 dollarë për aksion, një Premium prej 63% krahasuar me çmimin përmbyllës të aksioneve të Motorla Mobility që janë mbyllur të premtën. Motorola Mobility ekskluzivisht dërgon në treg celularë dhe tabletin e saj Xoom, me sistemin operativ Android të Google. Marrëveshja do të nënkuptojë se Google tani ka një prodhues të harduerit me të cilin do të punojë për së afërmi për të zhvilluar Android’in. Këtë gjë e ka thënë edhe zëvendës presidentja pran Gartner, Carolina Milanesi

Google gjithashtu do të ketë nën kontroll portofolin mbresëlënës të patentave të Motorola’s, dhe thuhet se janë diku rreth 24,500 sosh. Në anën tjetër marrëveshja pritet që të ketë ndikimet e veta me partnerët e Google, si Samsung e HTC, megjithatë këtë e ka hedhur poshtë Google.

Motorola tani për tani ka rreth 20,000 punëtorë, dhe Google do ta udhëheqë atë si një biznes të ndarë të sajin. Ndërsa transaksioni pritet të përfundojë gjatë fundit të këtij viti./pcworldalbanian

Lajmet e fundit>