Lajmet

Google ka shpërblyer me 2.9 milion dollarë hulumtuesit e sigurisë në 2017-ën

Feb 8 2018
0 Shpërndarje
Shpërblimi më i madh në 2017-ën ishte 112,500 dollarë për zbulimin e një problemi në telefonët Pixel si pjesë e Programit Android Security Rewards. Google ka shpërblyer me 2.9 milion dollarë hulumtuesit e sigurisë në 2017-ën

Programet “Big Bounty” janë ndërtuar për të shpërblyer hulumtuesit e sigurisë duke i paguar për probleme të raportuara. Në këmbim hulumtuesit shpërblehen me të ardhura të kënaqshme.

Google është një prej kompanive e cila shpërblen më së shumti hulumtuesit ku në 2017-ën ka dhuruar 2.9 milion dollarë.

Shpërblimet variojnë nga 500 deri në 100,000 dollarë dhe varen nga lloji i problemit të sigurisë dhe kohës së shpenzuar në gjentjen e tij.

Shpërblimi më i madh në 2017-ën ishte 112,500 dollarë për zbulimin e një problemi në telefonët Pixel si pjesë e Programit Android Security Rewards.

Bëhet fjalë për goxha të ardhura dhe gjahtarët e këtyre shpërblimeve luajnë një rol kyç në ekosistemin e softuerëve.

Google gjithashtu ka rritur shpërblimet nga 30,000 deri në 150,000 për zbulimin e problemeve në kernel. Produktet për të cilat Google ofron shpërblime janë Chrome dhe Android. /PCWorld Albanian

Lajmet e fundit>