Lajmet

Hakimi i sistemeve “Air-Gapped” përmes nxehtësisë së gjeneruar nga vetë kompjuterat

Apr 17 2015
0 Shpërndarje
Hakimi i sistemeve “Air-Gapped” përmes nxehtësisë së gjeneruar nga vetë kompjuterat

ab1Një grup hulumtuesish izraelitë të sigurisë në Laboratorin e Sigurisë Kibernetike pranë Universitetit Ben-Gurion i Negev kanë zbuluar një teknikë të re për të hakuar ose ndërhyrë në hapësirën mes kompjuterëve të quajtur “Ultra-Secure Air-Gapped Computers” për të përvetësuar të dhëna. Kjo arrihej përmes dërgimit të impulseve të nxehtësisë duke vënë nën presion sensorët termik të kompjuterit.

Sistemet Air-gapped përdoren në situata të sigurisë së lartë, të cilat kryesisht përdoren nga agjensitë qeveritare për të mbrojtur informacionet private ose klasifikuara nga sulmet kibernitike. Një rrjet kompjuterik me sistemin Air-gapped është i izoluar fizikisht nga interneti dhe rrjetet tjera, me qëllim parandalimin e sulmeve kibernetike dhe rrjedhjet e informacioneve të rëndësishme.

Në Gusht 2014, hulumtuesit e sigurisë nga Universiteti Ben Gurion në Izrael gjetën një mënyrë të re të ndërhyrjes në të quajturën sistemet Air-Gapped duke përdorur një metodë të quajtur Air-Hopper zhvilluar nga Mordechai Guri, pa pasur nevojë që kompjuterët të jenë të lidhur në një rrjet kompjuterik. Po të njëjtit hulumtues kanë zbuluar tashmë një teknikë tjetër, të quajtuar Bit Whisper, e cila mund të shfrytëzohet nga hakerët për të kompromentuar hapësirën mes kompjuterëve duke shfrytëzuar shkëmbimin e nxehtësisë në mes të dy sistemeve kompjuterike.

Bit Whisper

Sipas hulumtuesit dhe përfaqësuesit të qendrës laboratorike të sigurisë kibernetike Dudu Mimran, Bit Whisper është një demonstrim për një kanal të fshehtë komunikimi nga dy anët në mes të hapësirës së kompjuterëve (Air-Gapped) duke komunikuar përmes nxehtësisë së tyre që lirojnë. Metoda lejon tejkalimin hendekut të ajrit mes dy kompjuterëve fizikisht të afërt dhe të komprometohen kompjuterët duke përdor përçimet e nxehtësisë të ndërtuar në sensorë termik për të komunikuar.

ab2ab3Këto mundësi mund të përdoren nga hakerët për të dërguar sasi të mëdha komandave duke pëdorur sensorin dhe teknikat e njëjta të nxehtësisë për të shkaktuar më shumë dëme në infrastrukturën e sigurtë të rrjetit. Ja dhe një desmotrim me video i këtij sulmi.

Shumë korporata dhe agjensi qeveritare kujdesen që disa sisteme të tyre kompjuterike të jenë totalisht të mbrojtura duke u siguruar që të mos jenë të lidhura me asnjë rrjet. Por duke u njohur me metodën që kohëve të fundit po qarkullon si thyerje e sigurisë së sistemeve përmes hakimit të hapësirës ndërmjet dy kompjuterëve duke përdor nxehtësinë e tyre për përçimin e sinjaleve me përmbajtje komanda, skripta etj sistemet nuk mund të quhen më të sigurta.

Air-Hopper

Ky sulm përdor më shumë sinjalet e radios FM dhe është në gjendje të gjurmojë tastet e shtypura duke ndërhyrë në radio emetimet e caktuara nga ekrani i kompjuterit të izoluar. Më pas mund të kapni sinjalet FM me ndonjë telefon inteligjente për ti përkthyer sinjalet FM në tekst të shkruar. Kjo, sipas studiuesve është e mjaftueshme për të vjedhur një fjalëkalim sekret.

Kjo është hera e parë që telefonët celularë janë konsideruar në një model sulmi si marrës (pranues) të radio sinjaleve me qëllim të keq. Ja edhe një video demonstrim i këtij sulmi.

Gjatë studimit, hulumtuesit kanë paraqitur disa limite në shpejtësinë e emetimit të të dhënave dhe distancën e nevojshme për të arritur shfrytëzimin e hapësirës së quajtur Air-Gapped, dhe bëhet fjalë për një distancë 1-7 metra me një bandwidth 13-60 Bps. Megjithatë, studiuesit thonë se ata mund të jenë në gjendje për të rritur distancën mes dy kompjuterëve në komunikim dhe shpjetësinë e transferimit të të dhënave ndërmjet tyre.

Gjatë këtij hulumtimi interesant për të u njohur më shumë me anën teknike dhe të dokumentimit nga laboratori Universitetit Ben Gurion, është provuar kontakti me ekspertët që kanë marrë pjesë në këtë hulumtim nga unë. Gjatë muajit kaluar Mars 2015 në konferencën e CyberTech në Tel Aviv sipas deklarimeve më parë nga vetë ekspertët është thënë që do të prezantohet një dokument ku përshkruan punën që është bërë dhe gjetjet e tyre.

Ata u shprehën: “Ne presim që kjo punë kërkimore të shërbej si bazë e kërkimeve të mëvonshme, e cila do të përqendrohet në aspekte të ndryshme të kanalit termik dhe për të përmirësuar kapacitetet e tij”.

Sipas hulumtimeve të vazhdueshme që kam bërë dhe përcjellur shumë deklarata e video konferenca të ish analistit të sigurisë Edward Snowden, dhe çështjen e debatit që po zhvillohet masivisht në botë për përgjimin kibernetik dhe privatësinë thuhet se NSA ka qenë duke përdorur një metodë më të sofistikuar të kësaj teknike jo vetëm të dhënat nga Air-Gapped por edhe për të injektuar ato me malware harduerik të quajtur  Cottonmouth., sipas informacioneve të publikuara nga Edward Snowden. (PCWorld Albanian)

Atdhe Buja

Tags >

haker
Author: Atdhe Buja (7 Artikuj)
Atdhe Buja

Eksperte e Sigurisë Kibernetike - Ai ka një eksperiencë 12 vjeçare aktive në projektet e institucioneve qeveritare në industrinë e TIK-ut njeh shumë mirë funksionalitetin e Qendrës së te Dhënave, kornizat e interoperabilitetit, shërbimet e-qeverisjes.

Lajmet e fundit>