Vëzhgim

HDTV më të mirë dhe më të këqij

Feb 25 2009
0 Shpërndarje
HDTV më të mirë dhe më të këqij

altNë sondazhin vjetor të Qëndrueshmërisë dhe Shërbimit, mijëra lexues kanë dërguar kartelat raportuese për prodhuesit e HDTV. Ja se kush u radhit në fillim e kush në fund.   
Kur Phil Harris nga Washougal, Washington çoi në shtëpi televizorin plazma 42inç nga Costco, ky kishte probleme, që nga dita e parë.“Ngjyrat humbën dhe kishte pika të bardha ngado në ekran”, thotë Harris, një inxhinier në pension. Vizio dërgoi teknikët, të cilët “ndërruan një mori pjesësh, por kjo nuk pati sukses.”
Shitësi i autorizuar pastaj dërgoi një model të rregulluar, i cili gjithashtu nuk punoi mirë. Përfundimisht, Vizio dërgoi një 42inç të kualitetit më të lartë se ai që bleu Harris, i cili ka punuar mirë për më shumë se një vit. A do të blinte Harris përsëri Vizio? “Nëse do të blija një tjetër TV, me siguri do të ishte në Costco dhe me siguri do të ishte Vizio”, thotë ai.
Ndërsa tregimi i Harris nuk bën të lavdërohet kontrolli i kualitetit të Vizio, ai ilustron një pikë kyçe: Një shitës i HDTV-ve mund të fitojë respektin e konsumatorit dhe të bëjë përsëri biznes duke përmirësuar gabimet e veta. Tregimi gjithashtu tregon se blerësit duhet të tregojnë pak më shumë durim dhe të kuptojnë prodhuesit më të vegjël si Vizio.
Përdoruesit e HDTV-ve, flasin
Sondazhi vjetor për Qëndrueshmëri dhe Shërbime i PC World i lejon lexuesit të kategorizojnë kompanitë në disa kategori të produkteve teknologjike. Këtë vit më shumë se 16,000 respodentë kanë ndarë simpatitë dhe antipatitë e tyre rreth TV-ve high-def dhe kompanive që i shesin. Pjesëmarrësit kanë radhitur çdo kompani dhe produktet e tyre relative me konkurruesit, në nëntë matje të ndryshme, si, kënaqësia e konsumatorëve, kualiteti i shërbimeve telefonike, siguria e problemeve harduerike dhe lehtësia e përdorimit, por tabela jonë më poshtë shfaq vetëm pesë.
Fituesi i madh ishte Sony, i cili ishte më i mirë se mesatarja në shtatë nga nëntë matjet. Gjiganti elektronik i njohur për HDTV të kualitetit të lartë, ka marrë lëvdata për qëndrueshmërinë e harduerit dhe shërbimin ndaj konsumatorëve. Ka arritur nota mesatare në lehtësinë e përdorimit dhe kohën e mbajtjes në telefon. Pesë kompani, LG, Panasonic, Samsung, Sharp dhe Vizio kishin nga dy rezultate të mira secila. Në përgjithësi, lexuesit ishin më të kënaqur me qëndrueshmërinë e Panasonic, Samsung dhe Sony. Ata gjithashtu i dhanë lëvdata LG-së, Sharp dhe Vizio për krijimin e TV-ve me më pak probleme serioze.
Mitsubishi ishte më i dobëti, me katër pikë nën mesatare. Lexuesit raportuan rënie të problemeve me TV-të dhe statistika më të ulëta se mesatarja, sa i përket qëndrueshmërisë dhe lehtësisë së përdorimit. Hitachi dhe JVC nuk arritën asnjëri rezultate të mira. Secili kishte nga tri nota të dobëta.
HD-të e Sony mund të jenë ndërtuar më mirë, por rrallë ofrojnë çmime të lira. Pse këta televizorë preferohen? “Kam përdorur Sony për vite me radhë. Më duken të qëndrueshëm, me kualitet të lartë dhe zgjasin për një kohë të gjatë,” thotë Alan Ronkin, i cili ka blerë një Sony Bravia LCD 40inç, një vit më parë dhe është i kënaqur me të. Ai po mendonte edhe për Panasonic dhe Samsung gjithashtu, por “në fund të ditës besnikëria ndaj markës ishte faktori më i rëndësishëm,” thotë Ronkin, i cili menaxhon një organizatë jofitimprurëse në Brookline, Massachusetts.
“Ajo që të tërheq tek Sony, janë vite të imazhit dhe ndërtimit të markës” thotë analisti i iSuppli TV, Riddhi Patel. Kjo besnikëri ndaj markës mund të jetë e merituar dhe mund të bazohet në më shumë se krenari. Si shumica e prodhuesve të HDTV-ve, Sony nuk prodhon LCD-të e veta, por i ble ato nga furnizuesit e vet, thotë Richard Doherty, drejtor i kërkimeve për The Envisioneering Group. “Një arsye që Sony mund të mbajë çmimet dhe fitimin e lartë është se kanë pajisje elektronike të ndryshme,” thotë Doherty. Me fjalë tjera, përvoja e Sony me teknologjinë HD do të thotë se mund të prodhojë fotografi më të mirë.
Çfarë prishet alt
Qëndrueshmëria e HDTV-ve është përmirësuar në treg, thonë analistët. Doherty thekson se te shumica e HDTV-ve problemeve shfaqen në modelet para vitit 2006. Pronarët e modeleve me projektim mbrapa do të duhet të zëvendësojnë poçat e shtrenjtë me kalimin e kohës. Në sondazhet tona, kemi pyetur lexuesit për të kategorizuar modelet më të reja se tre vjet. Para disa vitesh zhurma e ventilatorit ishte një problem, thotë analisti i IDC, Eric Haruki. “Kjo nuk është më problem.”
Për më tepër, drita në sfondit e LCDTV-ve “shpërbëhet në masë të ndryshme me kalimin e kohës,” thotë Patel nga iSuppli. “Kështu që ju mund të filloni të shikoni disa hijezime nëse një dritë në prapavijë nuk vepron aq mirë sa edhe të tjerat rreth saj.”
Merrni atë që paguani
Disa blerës shpenzojnë shumë për një TV të shtrenjtë. Bob Mariotti nga Marlbrough, Connecticut, ka blerë një televizor Samsung LCD 40inç para një viti. Ai kishte planifikuar të shpenzonte 1000$ deri 1400$, por shpenzoi 2200$, pasi pa një Samsung tek BestBuy. Kualiteti i fotografisë na “tërhoqi me të parën”, tha Mariotti, një ekzekutiv banke. “Blini atë që mund të përballoni dhe shumicën e kohës do të paguani vetën me kënaqësinë që ju ofron.”
Vizio, si edhe prodhuesit e tjerë që kanë kaluar mirë në sondazhin tonë, nuk shesin HDTV të shtrenjtë. Ata janë fokusuar më shumë në televizorë të lirë. Vizio ofron “vlera imponuese”, thotë Haruki. Por thekson se përparësia e çmimeve të ulëta të Vizio është duke u zvogëluar, pasi prodhuesit si Samsung dhe Sony kanë reduktuar çmimet e tyre, për të konkurruar.
Partneriteti i Vizio me Costco ka ndihmuar mjaft. Nëse konsumatorët e Costco kanë probleme me televizorët e tyre Vizio gjatë tre muajve të parë, mund t’i kthejnë ata, pa i pyetur askush asnjë fjalë.
Nuk do të kthehem më
Sigurisht, qëndrueshmëria e dobët dhe shërbimi i keq i largojnë konsumatorët. Kur Jim Giblin nga Wayne, New Jersey pagoi 5000$ për një 73inç Mitsubishi Diamond Series para tre vjetësh, kish pritur që HDTV të punonte për vite me radhë. “Kam pasur TV me ekran të madh Mitsubishi në të kaluarën dhe do të isha betuar për Mitsubishi”, thotë ai.
Brenda 18 muajsh janë djegur gjashtë llamba. Fatmirësisht për Giblin, të gjitha, përveç njërës me vlerë prej 239$ ishin në garanci. Motori DLP i dritave (pjesë e shtrenjtë që prodhon fotografitë me ngjyra) ishte prishur gjithashtu. Përkrahja ndaj konsumatorëve më tha se duhet të pres me muaj për këtë pjesë.
Pasi ka parë emrin e menaxherit të produkteve të Mitsubishi, Giblin i ka dërguar një e-mail dhe i ka shpjeguar problemin e vet. “I kam kërkuar në mënyrë njerëzore,” thotë Giblin, një biznesmen i vetëpunësuar. “I thashë: Po sikur ju të shpenzoni 5000$ në një gjë dhe ajo rri në shtëpinë tuaj për gjashtë muaj, pa u përdorur?” Menaxheri i produkteve iu përgjigj brenda 5 minutave. Ditën e nesërme Mitsubishi autorizoi dërgimin e një HDTV të ri 73inç, i cili arriti dy javë më vonë.
Megjithatë kjo përvojë ka lëkundur besimin e Giblin te kompania: “Nuk i kam larguar nga lista, por tani nuk do të blej qorrazi një produkt të Mitsubishi.”
Charles Chaney nga Westlake, Ohio, ka blerë një televizor 57inç Mitsubishi DLP para dy vjetësh dhe i është dashur të zëvendësojë pjesën e dritës, pasi i ka kaluar koha e garancisë. Ka provuar të porositë pjesën 256$ nga uebfaqja, por kurrë nuk ka marrë ndonjë konfirmim.
Kur më në fund ra në kontakt me një përfaqësues, ajo tha se ajo pjesë nuk gjendej në stoqe, por ndryshoi mendje pasi pyeti një mbikëqyrës. Chaney e mori pjesën, por tha se përvoja ishte mjaft e hidhur. “Tani ngurroj të blej diçka të Mitsubishi.”
Jo të gjithë blerësit e Mitsubishi kanë këso tregime fatkeqësish. Steve Smith nga Huston ka blerë një televizor Mitsubishi në vitin 2004 dhe është tejet i kënaqur. Mund ta blerë këtë markë përsëri, por ai planifikon të shikojë pak më shumë në treg, pasi çmimet kanë rënë. Mitsubishi nuk ka pranuar të komentojë për këtë artikull.
Lexuesit janë ankuar edhe për Hitachi, gjithashtu. Pasi Bernie Wheaton nga Tom River, New Jersey ka blerë televizorin plazma 42inç Hitachi, para dy vitesh, gruaja e tij kishte dëgjuar zërin e çrregullt që vinte nga altoparlantët. Hitachi e kaloi rastin tek një nënkontraktor për ta riparuar. Që kompania të bënte diagnozën, TV-ja do të duhej të dërgohej në qendrën e rregullimit, por Hitachi refuzoi të jepte një zëvendësim. “Ky ishte një zhgënjim,” tha Wheaton, i cili planifikon të blerë një Panasonic, herën e ardhshme.
Çmimet e ulëta do të thonë sfidë alt
Kush është përparësia e HDTV-ve? Çmimet më të ulëta dhe konkurrenca më e ngushtë mes kompanive për pjesëmarrje në treg, shtyjnë konsumatorët të blejnë televizorin e dytë apo tretë. “Tani televizori 52inç shkon në dhomën e ditës, derisa ai 37inç ose 42inç në dhomën e fjetjes, apo kabinetin e punës,” thotë Doherty, The Envisioneering Group.
A do të ulet kualiteti? Ndoshta pas një kohe, parashikon Haruki i IDC, ndërsa prodhuesit vazhdojnë të prodhojnë dhe përkrahin rritjen e shitjeve dhe përdoruesve. “Prodhuesit do të duhet të rrisin shërbimet, ose do të kenë shumë konsumatorë të pakënaqur,” thotë ai. Prodhimi do të zhvendoset në vende me fuqi punëtore më të lirë. Prodhuesit “mund të kenë probleme… por vetëm sepse kjo është një periudhë transitore,” shton Haruki. “Ndërsa koha fluturon, ata do ta vërejnë këtë dhe do të bëhen më të përgjegjshëm.”
Çfarë nënkupton matja
Kemi pyetur lexuesit e PC World për të kategorizuar prodhuesit duke përdorur pesë matje për qëndrueshmëri dhe pesë për përkrahje dhe shërbime. Pastaj kemi gjykuar kompanitë si “më keq se mesatarja”, “mesatare” ose “më mirë se mesatarja”, bazuar te statistikat, krahasuar me konkurrentët. Nëse një prodhues i TV-ve ka mbledhur më pak se 50 lexues për një matje, nuk e kemi marrë parasysh atë rezultat, duke i klasifikuar këto statistika si jo të besueshme. Disa prodhues më të vegjël të HDTV kanë marrë pak nota që të mund të radhiten në mesin e kësaj liste.
MATJET E QËNDRUESHMËRISË
–    Problemet në arritje: Bazuar në përqindjen e sondazhit, respodentët kanë raportuar një apo më shumë probleme kur kanë nxjerr televizorin nga kutia.
–    Ndonjë problem në harduer apo softuer: Bazuar në përqindjen e sondazhit që respodentët kanë raportuar ndonjë problem gjatë gjithë kohës gjatë punës së TV-së.
–    Problem i ashpër: Bazuar në përqindjen e sondazhit që respodentët kanë raportuar ndonjë problem që e ka bërë TV-në të pamundur të përdoret.
–    Lehtësia e përdorimit: Bazuar në kënaqjen e pronarëve me qëndrueshmërinë e TV-ve.
MATJET E SHËRBIMIT
–    Koha e mbajtjes në telefon: Bazuar në kohën mesatare që pronari i produktit është mbajtur në telefon për të biseduar me përfaqësuesin e përkrahjes teknike.
–    Kategorizimi i telefonatave: Bazuar në pikët e mbledhura nga pronarët në disa aspekte, bazuar në përvojën e tyre me telefonatat me përkrahjen teknike. Në mesin e faktorëve të marrë në konsideratë janë edhe nëse informatat e ofruara ishin të lehta për t’u kuptuar, apo nëse përfaqësuesi i përkrahjes teknike fliste qartë dhe kuptueshëm.
–    Dështimi për të zgjidhur problemin: Bazuar në përqindjen e sondazhit nga respodentët të cilët thanë se problemi i tyre nuk ishte zgjidhur, pasi ata kanë kontaktuar me përkrahjen teknike të kompanisë.
–    Përvoja me servisin: Bazuar në pikët e mbledhura nga pronarët e TV-ve përgjigjur në 11 aspekte të caktuara të përvojës së tyre me departamentin e servisit të kompanisë.
 

 

Lajmet e fundit>