Harduer

HMD Global prezantoi dy telefonë të thjeshtë Nokia që fillojnë nga 14.50 dollar

Jul 17 2017
0 Shpërndarje
Telefonët janë bazikë me ekrane 1.8 inç, dritë LED dhe një muaj jetëgjatësi baterie. HMD Global prezantoi dy telefonë të thjeshtë Nokia që fillojnë nga 14.50 dollar Photo Source: Nokia

Marka Nokia po rikthehet gradualisht në botën e telefonëve, një ringritje e cila filloi me modelin Nokia 6 të rangut të mesëm dhe u pasua nga Nokia 3 dhe 5.

Megjithatë pjesë e axhendës së kompanisë janë padyshim edhe telefonët e thjeshtë. HMD Global prezantoi ditën e hëne dy telefonë, Nokia 105 dhe Nokia 130 të cilët janë rifreskim të modeleve të kaluara.

Nokia 105 do të kushtojë 14,50 dollar dhe vjen me një kartë ndërsa duhet të paguani 0.50 dollar më shumë për variantin me dy karta.

Nokia 130 kushton 21.50 dollar. Telefonët janë bazikë me ekrane 1.8 inç, dritë LED dhe një muaj jetëgjatësi baterie.

Nokia 130 ka Bluetooth dhe kartë microSD. Dy telefonët e sotëm vinë pak muaj pasi kompania lançoi telefonin ikonik Nokia 3310. /PCWorld Albanian

Lajmet e fundit>