Lajmet

Mësoni programimin në Python me Codecademy

Jul 31 2012
0 Shpërndarje
Mësoni programimin në Python me Codecademy

Codecademy, është një Ueb faqe që i mëson përdoruesit (falas!) se si të programojnë në gjuhë të ndryshme. Duke nisur nga e hëna e kësaj jave, ata do të lansojnë tutoriale interaktive se si të programosh në Python.

Deri tani faqja ofron kurse online dhe qindra ushtrime në HTML, CSS, JavaScript dhe jQuery, shprehet Zach Sims, 22 vjeçari bashkëthemelues i Ueb faqes. Në total, 100 milionë tutoriale janë realizuar nga miliona përdorues.

Por pse pikërisht Python? Sims thotë se shumica e përdoruesve të faqes kanë kërkuar Python më tepër se Ruby. “Është një vazhdim i mirë i gjuhëve të orientuara nga serveri pas JavaScript që kanë mësuar shumë nga përdoruesit tanë.”, u shpreh ai.

Codecademy u kërkon përdoruesve të tij të dërgojnë ushtrime në Python për të ndihmuar me materiale ata që duan ta mësojnë gjuhën. Të gjitha tutorialet e faqes janë krijuar nga përdoruesit.

Faqja e këtij kursi, është e ndarë në bazë kapitujsh. (PCWorld Albanian)

Tags >

programim
Lajmet e fundit>