Lajmet

New York përdor hartat e Google për t’i orientuar turistët

Jan 22 2009
0 Shpërndarje
New York përdor hartat e Google për t’i orientuar turistët

 

Nëse planifikoni të bëni një udhëtim për në New York, sigurisht se ju dëshironi t’i dini restorantet, muzetë dhe ueb faqet më të mira të qytetit. Një ueb faqe (www.nycgo.com) e krijuar nga qyteti i New York dhe Google Inc, pretendon t’u ndihmojë turistëve të gjejnë atë që kanë nevojë. Kryetari i qytetit të New York Michael Bloomberg, thotë për ueb faqen e Google se ueb faqja ncygo.com pretendon të jetë faqe zyrtare online dhe burim i informimit të turistëve për qytetin. Ueb faqja përdor hartat e Google për t’u ndihmuar turistëve t’i gjejnë destinacionet e tyre, apo mënyrat për të arritur në vendin e dëshiruar. Këto informacione bëhen të mundshme edhe në celular përmes hartave të Google për celularë.

“Në bashkëpunim me Google, ne jemi duke lançuar një ueb faqe dhe qendër informuese në të njëjtën kohë, për t’u ndihmuar turistëve dhe banorëve ta hulumtojnë qytetin. Banorë apo turistë, çfarëdo që jeni, ne ju ftojmë ta hulumtoni qytetin tonë përmes kompjuterit apo celularit tuaj” – deklaroi Michael Bloomberg, kryetari i qytetit të New York. 
Bashkia e New York-ut është organizata e fundit që bashkëpunon me Google dhe përdor hartat e saj. Më herët këtë e kanë bërë edhe kompanitë e fluturimeve si JetBlue Airways Corporation, që së bashku me Google krijuan një aplikacion që u mundëson udhëtarëve në aeroplan ta përcjellin fluturimin e tyre përmes televizorit.
 

Lajmet e fundit>