Blog

Pas Kinës, Banka Qendrore e Indisë paralajmëron investitorët rreth Bitcoin

Dec 6 2017
0 Shpërndarje
Por Banka e Indisë ishte më e drejtpërdrejtë duke paralajmëruar investitorët për pasoja ekonomike, financiare dhe ligjore. Pas Kinës, Banka Qendrore e Indisë paralajmëron investitorët rreth Bitcoin

Gjatë fundjavës Banka Qendrore Kineze paralajmëroi qytetarët të distancohen nga bitcoin.

Tre ditë më pas erdhi paralajmërimi i Bankës Qendrore Indiane e cila gjithashtu paralajmëroi investitorët rreth investimit në bitcoin apo monedha kriptografike.

“Një ditë do të shikoni bitcoin si një trup i vdekur që pluskon mbi një lumë përpara jush,” shprehej guvernatori i bankës qendrore Kineze.

Por Banka e Indisë ishte më e drejtpërdrejtë duke paralajmëruar investitorët për pasoja ekonomike, financiare dhe ligjore.

Ky është paralajmërimi i tretë që vjen nga India.

Deklaratat vinë në një kohë kur bitcoin është rritur me 1,000% gjatë 2017-ës. Ditën e sotme vlera e monedhës virtuale më popullore në botë arriti në 12,700 dollar.

Në Azi masat për të parandaluar përhapjen dhe adoptimin e bitcoin janë shtuar. Bankat Qendrore të Indonezisë dhe Bangladeshit gjithashtu kanë ndaluar përdorimin e bitcoin.

Në Shtator Kina mbylli bursa e monedhave kriptografike dhe ndaloi Ofertat Fillestare të Monedhave (ICO.)

Më 29 Nëntor Presidenti i Bankës Qendrore Evropiane paralajmëroi rreth investimeve në bitcoin. Bankat Qendrore të Francës, Gjermanisë dhe Rusisë gjithashtu kanë shprehur shqetësim.

Edhe Banka Qendrore e Shqipërisë ka lëshuar një paralajmërim të ngjashëm në Korrik.

“Banka e Shqipërisë nuk ka licencuar asnjë subjekt financiar në veprimtarinë e të cilit të përfshihet përdorimi i monedhave virtuale. Për rrjedhojë, çdo shoqëri e cila përfshihet në këtë aktivitet në Republikën e Shqipërisë nuk është e licencuar, e për rrjedhim aktiviteti i saj nuk i nënshtrohet kuadrit rregullues dhe atij mbikëqyrës nga ana e Bankës së Shqipërisë,” thuhej në deklaratën e Bankës së Shqipëri. /PCWorld Albanian

Lajmet e fundit>