Siguri

Përdoruesit e Mac preken me virusin Trojan përmes Bit Torrent

Jan 26 2009
0 Shpërndarje
Përdoruesit e Mac preken me virusin Trojan përmes Bit Torrent

 altPërdoruesit e Mac janë këshilluar të mos kërkojnë kopje pirate të softuerit iWork 09 të Apple, ngase mund të hasin në virusin Trojan. Sipas kompanisë për siguri për softuerët e Mac, Intego e cila kompani ka dhënë alarmin për OSX, Trojan iServices u mundëson përdoruesve ta instalojnë një kopje të iWork 09, duke përdorur një instalues të rrejshëm që vendos fshehurazi virus në sistemin operativ. Si çdo virus Trojan, qëllimi i menjëhershëm i softuerit është ta rrezikojë tërë sistemin operativ duke lejuar shkarkimet nga ueb faqet e infektuara. Sipas Intego, ky infektim mund t’i prekë njerëzit që e kanë shkarkuar softuerin përmes Bit Torrent file sharing, numri i të cilëve ka arritur në 20 mijë. Softueri Apple iWork 09 është një program që përfshin dokumente, tabela si dhe vegla prezantuese dhe kushton 74 euro, ndërsa është shpërndarë nga piratët në ueb faqet e BitTorrent javë më parë. Ndërkohë që kompania Intego së fundi ka lëshuar në qarkullim edhe programet për mbrojtje nga virusët. Intego Virus Barrier X4 dhe X5 shërbejnë për t’u mbrojtur nga virusi Trojan horse. Megjithatë numri i përdoruesve të Mac që preken me virusin Trojan, është më i vogël se ai përdoruesve të Windows.

Lajmet e fundit>