Biznes

Raportohet se Samsung është në bisedime për një blerje të mundshme të Blackberry

Jan 15 2015
0 Shpërndarje
Raportohet se Samsung është në bisedime për një blerje të mundshme të Blackberry

downloadSipas disa dokumenteve vëzhguar nga Reuters, Samsung Electronics është afër blerjes së Blackberry dhe portofolit të patentave dhe produkteve të kompanisë për 7.5 miliard dollar. Gjiganti Koreano-Jugor propozoi një çmim fillestar prej 13.35 dollar deri në 15.49 dollar për aksion, një vlerë 38 deri në 60 % mbi vlerën reale të Blackberry cituan burimet.

Ekzekutivët nga dy kompanitë, të cilët po punojnë më këshilltarët e tyre, u takuan javën e shkuar për një transaksion të mundshëm, tha burimi i informacionit, ku u mbajtën disa biseda private. Mbetet e paqartë nëse Blackberry, kompania e cila ka fituar disa pikë në tregu me ardhjen e John Chen në krye, ishte e hapur për një marrëveshje të tillë.

Lajmet e një takimi të mundshëm, të cilat rritën vlerën e aksioneve të Blackberry me 30 %, erdhën menjëherë teksa prodhuesi i smartfonëve po përpiqet të fitojë tregun që ka humbur për vite me radhë ndaj Apple, Google dhe Samsung. Një marrëveshje do krijonte akses kompanisë Samsung mbi patentat e Blackberry, ku sipas burimeve do e ndihmonin gjigantin Koreano-Jugor të rivalizonte Apple më në fund dhe jo më të mbrohej në gjykatë.

Një marrëveshje e mundshme do të kishte bekimin e Fairfax Financial Holding i cili është edhe aksioneri më i madh i Blackberry. Blackberry pak javë më parë nxori në shitje modelin Blackberry Classic ku kompania shpreson që të suprizojë përdoruesit dhe adhuruesit e modeleve të hershme Blackberry Bold dhe Curve me një pasardhës të ditëve sotme.

Në tre mujorin e tretë, të ardhurat e Blackberry ranë në 793 milion dollar nga 1.9 miliard dollar një vit më parë, një rënie më e madhe se sa ishte parashikuar. Por nga ana tjetër aksionet e Blackberry u rritën me 30 % pasditen e ditës së djeshme në 29.71 dollar. Një marrëveshje me Samsung do të kapte vlerën mes 6 dhe 7.5 miliard dollar. Blackberry dhe Samsung njoftuan një marrëveshje të një profili të lartë në Nëntor. Bashkëpunimi do të sillte platformën e sigurisë së Blackberry në telefonët Samsung. (PCWorld Albanian)

Lajmet e fundit>