Ja se si

Revolucioni i ri kompjuterik

Apr 3 2011
0 Shpërndarje
Revolucioni i ri kompjuterik

Aplikacioni i ri Adobe është një copë tjetër arti drejt asaj që është parashikuar edhe më parë prej shumë të tjerëve, madje dhe para se të paraqitej në treg iPad; Fillimin e një ere të re kompjuterike pas shumë etapave të zhvillimit. 

Një tjetër mit i shkatërruar

Kur doli në treg, shumë e quajtën një “iPhone i zmadhuar”. Madje shumë njerëz përfshirë edhe miqtë e mi mbetën të mahnitur me produktin e Apple unë qëndroja prapa kësaj teorie. Disa të tjerë nuk u pajtuan me potencialin e tij për të shfaqur fuqi në “konsumimin e përmbajtjeve si ueb faqet, librat apo filmat”, e të tjerë thanë se nuk do të jetë i mirë  as për të luajtur lojëra. Dhe pothuajse të gjithë (madje edhe ju që po lexoni këta rreshta) thanë se asnjëherë nuk do të jetë pajisje e mirë për të bërë kreacione, apo u përdorë shprehja “Nuk do të ketë kurrë Photoshop për iPad”.

Por duket se të gjithë e kemi pasur gabim
 

Adobe e bëri. Një version i ri i Photoshop u prezantua gjatë ditës së djeshme dhe atë me një dizajn të ri. Sigurisht nuk ka disa prej veçorive të avancuara për printim dhe publikim në ueb sikurse që ka versioni i tij për desktop, por ka çdo gjë që ju duhet; prej layers për të bërë kompozicione (përfshirë edhe 3D mode) e deri tek veçoritë për përshtatje të layers, niveleve, kontrolleve të ngjyrave e shumë veçori tjera që i gjeni në Photoshop. Prej asaj që është arritur të shihet deri tani, aplikacioni punonte shpejtë dhe pa telashe.

Por Photoshop për iPad nënkupton shumë më shumë sesa një aplikacion për përpunim të imazheve në një tablet. Është vërtetim i asaj se ku po shkojnë gjërat. Nuk po përmendim rreshtat e gjatë me njerëz që prisnin të blinin një iPad. Analistët e Gartner thanë se tabletët do të kapin rreth 29.4 miliard dollarë të tregut të shitjes së harduerit, që është 9.6 miliard më shumë sesa në vitin 2010. Ne veçse jemi pajtuar me faktin se iPad është një sukses i jashtëzakonshëm që ka nxitur secilin prodhues të krijojë një tablet. Vetëm shikoni tregun.

Kreacionet janë në fakt më të lehta në iPad

Pjesa befasuese është se iPad ka qenë i suksesshëm jo vetëm se njerëzit janë argëtuar pa masë për të shijuar video apo për të luajtur lojëra të mahnitshme si “Sword and Sworcery”, por edhe për shkak se njerëzit po pëlqejnë të krijojnë gjëra pa ndihmën e kompjuterit të shtëpisë.

Nëse pëlqeni të shkruani në iPad ka aplikacione të shumta që mund të shfrytëzoni për iA Writer është mbreti. Nëse dëshironi të vizatoni prapë ka shumë zgjidhje, por duhet përmendur se Autodesk Sketchbook është i jashtëzakonshëm.

Në të dy rastet, më produktiv është puna në iPad sesa në kompjuter. E madje më duket se është më natyrale për shkak të mënyrës sesi shfaqen rezultatet dhe sesi rrjedhën procesi (përfshirë fokusimin në pajisje dhe punë).

Po ka edhe të tjerë që përdorin aplikacione tjera për të bërë gjëra të mahnitshme në iPad. Muzikantë amator e profesionistë po shfrytëzojnë iPad kudo për të krijuar muzikë dhe për të fituar lekë. Ka me tona softuerë të mahnitshme për prodhim të muzikës që mund të shfrytëzohen për kompozim, aranzhim, incizim e madje edhe lëshim t ë muzikave në kohë reale duke luajtur rolin e DJ. E njëjta vlen edhe për fushën e mjekësisë, financave dhe profesioneve tjera të llojllojshme. Kjo padyshim po tregon se puna në kompjuterët me ekrane të ndjeshme në prekje po vazhdon të adoptohet me ritme të shpejta. Jo për shkak se është gjë e bukur të kesh tablet (apo Apple), por për shkak se është më efektive dhe më lehtë për të menaxhuar dhe shfrytëzuar pajisje të këtilla gjatë punëve të përditshme, dhe periudhave të argëtimit e pushimit. Madje edhe ata që nuk janë të pasionuar pas teknologjisë i duan këto pajisje.

Evolucioni natyral 

Por prej të gjitha fushave që u përmenden, imazhet dhe videot digjitale janë ende jashtë mbretërisë “touch”. Kjo kryesisht për shkak të kufizimeve të harduerit. Me iMove që doli para disa javësh dhe Photoshop që doli tani, gjërat do të ndryshojnë.

Nuk po themi se do të vdes editimi profesional i videove dhe imazheve në ekrane të mëdha dhe të përkrahura nga fuqia e desktopit, sepse do të duhen vite të tëra për të zëvendësuar këto vegla që kanë qëndruar vazhdimisht përkrahë profesionistëve.  Kur debutoi për herë të parë Photoshop në Macintosh dizajnerët patën reagime pozitive dhe u ndanë deri diku të kënaqur me të, por me debutimin e tij në iPad reagimi është shumë herë më pozitiv dhe mu për shkakun se veglat janë shumë më të fuqishme në të.

Sikurse tek aplikacionet me ndërfaqe muzikore dhe për editim të përmbajtjeve filmike, edhe këtu njerëzit do të fillojnë të shtyjnë limitet dhe do të bëjnë që hardueri e softueri të zhvillohet me ta. Photoshop për iPad në formën e tanishme nuk do të jetë i mirë për ata që kanë imazhe titanike me madhësi 2GB dhe me 300 layera, megjithatë hardueri e programi do të arrijë edhe këtë pikë.

Pse po ndodh kjo? 

Ka njerëz që nuk mund të kuptojnë këtë evolucion. Pse njerëzit normal preferojnë tablet në vend të kompjuterëve të fuqishëm? Pse duhet të blejmë diçka tjetër kur çdo gjë që kemi funksion mirë edhe tani? Problemi është se nuk funksion thjeshtë mirë.

Pyesni këdo që është entuziast i kompjuterëve dhe ata do t’ju tregojnë me plot pasion se pse urrejnë dhe pëlqejnë pajisjet e tyre iPhone dhe iPad. Përgjigja është në kompleksitetin e kompjuterit kundrejt thjeshtësisë së ndërfaqes së ndjeshme në prekje. Është një dallim i theksuar por është jashtëzakonisht fuqishëm, dhe rezultati është se produktiviteti kushton më lirë në të fundit sesa në të parin.

Për të kuptuar këtë të kthehemi tek shembulli i Photoshop-it. Klasikët mbajnë mend sesi ishte koha kur manipuloheshin fotografitë në laborator, me duar të veta dhe jo me “kursor” dhe “mi”. Kur erdhi kompjuteri,  tradicionalistët vajtuan. Pse duhet të përdor kompjuterin kur mund ta bëjë të njëjtën gjë në laborator? Kualiteti nuk është i njëjtë. Është shumë më ngadalë. Thanë ata.

Më pas veglat evoluan, dhe ata zbuluan se mund ta bëjnë punën e tyre më shpejtë me kompjuter – dhe mos harroni magjia e punës u fuqizua kur u zbulua UNDO (ktheje prapa) – dhe në këtë formë ndodhi revolucioni i punës në desktop, që u përcoll me revolucionin e muzikës dhe video digjitale. Kompleksiteti i layerave u bë gjë dytësore për njerëzit dhe u bë e zakonshme. Photoshop, sikurse Final Cut apo After Effects, nuk janë më programe kompjuterike. Ato janë bërë aq komplekse sa që janë bërë profesione në vete.

Fakti i sotëm është se kompjuterët dhe fotografia digjitale na fuqizojnë për të krijuar gjëra të mahnitshme që nuk ishin të mundura dikur. Ndodhi krijimi i një shtrese komplekse në procesin kreativ, e madje në këtë formë u demokratizua edhe qasja dhe u krijuan elita të reja.

E kjo është çelësi i kuptimit të pajisjeve të ndjeshme në prekje. Ato po na ofrojnë vegla të masës për shkak se ne nuk po ndihemi më të frikësuar nga ato vegla. Ndërfaqja e ndjeshme në prekje po na bënë që gjërat të jenë të natyrshme dhe që zhvilluesit të thjeshtësojnë qasjen në këto vegla. Duke për këtë po shtohet më shumë fuqi se kurrë.

Fundi është fillimi

Adobe ka kuptuar se pse është e rëndësishme që Phtoshop të jetë e pranishme në iPad, por është shfaqur  paksa skeptik rreth reagimit të përdoruesve mbi layerët 3D, të cilët ka thënë se do t ‘i shpjegojë më mirë me kalimin e kohës dhe me shfrytëzimin e tyre nga përdoruesit.

Tani për tani është kënaqësi të thuhet se gjërat po ecin mirë dhe në drejtimin e duhur, dhe për herë të parë pas disa viteve, qysh prej hapave të parë të Mac, revolucioni kompjuterik po vazhdon. Edhe pse fatkeqësisht për shumë lexues të PCWorld Albanian pajisjet si iPad janë të shtrenjta, sidomos në tregjet e Kosovës dhe Shqipërisë ku çmimet ku shkojnë prej 600 deri në 900 euro e rroga mesatare është rreth 200 euro, është mirë të shikojmë të ardhmen dhe të mos harojmë se revolucioni po ndodh edhe te ne. Është mirë të kujtohet koha e viteve të 90-ta kur një kompjuter ishte gjë e rrallë dhe pasuri për  pronarin, e është mirë të shihet që sot një kompjuter i zakonshëm është i kapshëm për xhepin e cilësdo familje. Kësaj pune i thojnë revolucion!

Lajmet e fundit>