Harduer

Smartfoni HTC Desire 820 pritet të debutojë më 23 shtator

Sep 20 2014
0 Shpërndarje
Smartfoni HTC Desire 820 pritet të debutojë më 23 shtator

Kompania HTC ka filluar të dërgojë ftesat për eventin që ajo do të mbajë më 23 shtator në New Dehli, gjatë të cilit pritet të lançojë smartfonin HTC Desire 820 në Indi.

htc_desire_820

Zyrtarisht, në ftesa nuk ka ndonjë informacion se me çfarë produkti do të debutojë kompania në këtë event. Gjithashtu nuk dihet se sa do të jetë çmimi i serisë së re së të smartfonëve Desire.

Desire 820 u lançua më herët këtë muaj në eventin e IFA dhe ky është smartfoni i parë i kompanisë që ka një procesor 64 bit Qualcomm Snapdragon 615 me 4G LTE të integruar.

Gjatë prezantimit kompania konfirmoi se ky smartfon do të hidhej në treg nga fundi i shtatorit. Së bashku me smartfonin, HTC do të nxjerrë në treg dhe disa kasa Dot View të krijuara posaçërisht për këtë telefon.

Smartfoni është pasardhës i HTC Desire 816 dhe mund të përdoret me dy karta SIM. Ai përdor sistemin operativ Android 4.4 KitKat. HTC Desire 820 ka një ekran 5.5 inç HD, 2 GB RAM, dhe dy kamera respektivisht 13 dhe 8 megapixel.

Memoria e brendshme 16 GB mund të zgjerohet nga një memorie e jashtme deri në 128 GB. Opsione të tjera përfshijnë Wi-Fi, FM Radio, Bluetooth, GPRS/EDGE, GPS/A-GPS, 3G dhe 4G LTE. I gjithë smartfoni peshon 155 gram, ka përmasa 157.7 x 78.74 x 7.74 mm dhe një bateri 2600mAh e cila mund ta mbajë ndezur telefonin 22.4 orë kohë bisede dhe 424 ndezur kur punon normal.

htc_desire

Përveç këtij eventi, gjiganti taivanez i teknologjisë , ka lajmëruar dhe për një event tjetër më 8 tetor në New York.

Një frazë në këtë ftesë lexonte “Double Exposure” e cila nënkupton se kompania mund të lançojë dhe diçka tjetër; një tip kamere ose tërësisht një produkt të ri. (PCWorld Albanian)

Lajmet e fundit>