Blog

Twitter bllokon llogaritë e atyre përdoruesve që kanë mashtruar me moshën e vërtetë

Jul 25 2018
0 Shpërndarje
Vala e parë e mbylljeve të Twitter u shfaq disa muaj më parë, duke ndaluar përdoruesit adoleshentë, data e lindjes së të cilëve ishte vetë-deklaruar nën 13 vjeç, kur ata kanë hapur llogarinë. Twitter bllokon llogaritë e atyre përdoruesve që kanë mashtruar me moshën e vërtetë

Një përditësim i kushteve të shërbimit të Twitter që u bë muaj më parë është ende duke bllokuar përdoruesit të cilët kanë mashtruar për moshën e tyre. Gjithashtu personat që kanë apeluar – ose kanë dhënë një lloj pëlqimi prindëror ose dorëzimin e dokumentacionit si çertifikatat e lindjes ose pasaportat për të vërtetuar moshën – janë përballur me mure të ngjashme.

Vala e parë e mbylljeve të Twitter u shfaq disa muaj më parë, duke ndaluar përdoruesit adoleshentë, data e lindjes së të cilëve ishte vetë-deklaruar nën 13 vjeç, kur ata kanë hapur llogarinë.

Në fillim të qershorit, kompania tha se do të fillojë të punojë për një zgjidhje afatgjatë dhe do të rikthejë këto llogari. Por për mijëra përdorues, kjo ende nuk ka funksionuar dhe ka bërë që disa përdorues të mbyllin llogaritë për shkak të këtyre rregullave lodhëse.

Këto ndalime janë pjesë e përpjekjes së Twitter  për të vepruar në përputhje me Rregulloren e Përgjithshme të Mbrojtjes së të Dhënave të Bashkimit Evropian (GDPR) – një pjesë legjislative e legjislacionit evropian që hyri në fuqi në Majin e kaluar.

Ajo mandaton se si kompanitë – duke përfshirë gjigandët e teknologjisë si Google, Amazon, dhe Twitter – merren me të dhënat e qytetarëve, edhe nëse kompanitë janë të bazuara jashtë rajonit.

Krijimi i një kontrate të përdoruesit që janë nën moshën 13 vjeç është i pavlefshëm pa lejen e prindërve, sipas mandateve të DPPP-së, dhe legalisht, të gjitha përmbajtjet e krijuara nga një i mitur duhet të fshihen ose Twitter mund të përballet me gjoba të rënda.

Twitter nuk pranoi të komentonte mbi specifikat se pse ende nuk ka rikthyer shumë nga llogaritë e mbyllura dhe pse një zgjidhje afatgjatë ende nuk është ofruar. Por një burim i tha The Guardian se kompania nuk ka mjetet për të analizuar situatën e krijuar me këto llogari që janë në pronësi të të miturve.

Në vend të kësaj, shpjegoi burimi, e vetmja mënyrë që ata mund të pajtoheshin me GDPR ishte që të pezullonin në mënyrë të drejtpërdrejtë llogaritë që mund të krijoheshin nga përdoruesit e mitur.

“Kohët e fundit kemi bërë ndryshime të produktit të lidhura me ligjet e reja të privatësisë (GDPR) dhe jemi bërë të vetëdijshëm për llogaritë që u krijuan nga njerëzit kur ishin më të rinj se 13 vjeç”, tha Ekipi Mbështetës i Twitter në një deklaratë publike të bërë muajin e kaluar.

Megjithëse një burim në kompani thotë se ata kanë qenë “në komunikim” me përdoruesit që nga data 18 Korrik, përdoruesit ende janë duke u përballur me mbylljen e llogarive pas përditësimit të ditëlindjeve të tyre dhe procesi i apelimit për disa, është një mënyrë për të rimarrë llogaritë.

Megjithatë, duke e parë si diçka të lodhshme dhe bezdisëse, shumë përdorues kanë zgjedhur të shmangin këtë proces rikthimi dhe të hapin një llogari të re. /PCWorld Albanian

Tags >

Twitter
Lajmet e fundit>