Lajmet

Twitter zbulon disa detaje të rivalit të ardhshëm të YouTube

Jan 4 2015
0 Shpërndarje
Twitter zbulon disa detaje të rivalit të ardhshëm të YouTube

Screen-Shot-2015-01-02-at-8.45.58-PMShërbimi i videove në Twitter akoma nuk është një realitet, por tashmë dimë më shumë rreth paraqitjes së rivalit të ardhshëm të YouTube.

Twitter fillimisht zbuloi detaje të shërbimit në muajin nëntor, por akoma ka shumë të tjera për të treguar. Por më në fund, falë një përdoruesi të Twitter Daniel Raffel, kemi mësuar shumë më tepër. Më e rëndësishmja ishte edhe fakti se anëtarët e programit të reklamimit Amplify do të kenë mundësi të përfshijnë një reklamë brenda videove. Shërbimi do ti marrë disa dollarë të ardhura platformës së videove të Google, Youtube.

Përdoruesi në fjalë vuri re diçka të çuditshme në sektorin pyetjeve FAQ, video.twitter.com/faq. Në këtë panel Twitter është përgjigjur disa pyetjeve për shërbimin e saj të ardhshëm. Videot në Twitter do të mbështeten në formatet .mp4 dhe .mov si dhe duhet të kenë një raport të rezolucionit 16:9.

Përdoruesit do të mund të ngarkojnë video me kohëzgjatje deri në 10 minuta. Kjo konkurrencë e hapur me YouTube do të thotë se videot do të ngarkohen direkt në Twitter. Rrjeti social ka përgatitur edhe një aplikacion për publikuesit i cili do të përdoret kryesisht për reklamim. Gjithashtu përdoruesit do të munden të shikojnë numrin e shikimeve dhe trafikut të gjeneruar nga videoja e tyre. (PCWorld Albanian)

Lajmet e fundit>