Analiza

VALA thyen rekord, 4.4 milion SMS të dërguar

Sep 10 2010
0 Shpërndarje
VALA thyen rekord, 4.4 milion SMS të dërguar

E veçanta është se pas dhjetë vjet operimi, operatori Vala ka qenë 100 përqind e suksesshme dhe ka thyer të gjitha rekordet. Krahasuar me vitin e kaluar, në po të njëjtën periudhë, VALA ka rritur ndieshëm numrin e SMS-ve të dërguar dhe të realizuar. Sa për ilustrim, krahasuar me festat e Bajramit të vitit te kaluar, më 27.11.2009 janë dërguar 3,551,820 SMS, ndërsa më 20.09.2009 janë dërguar 3,353,042 SMS, ndërkohë që në këtë vit kemi një rritje prej rreth 1 milionë sms më shumë të dërguar.

Ky rekord i ri vjen si rezultat i menaxhimit të suksesshëm nën udhëheqjen e Dr. Shyqyri Haxhës, i cili ka ngritur dhe profesionalizuar kapacitetet njerëzore dhe teknike duke rritur disiplinën në punë dhe efikasitetin e përgjithshëm të kompanisë.

”Ky është një rekord tjetër i VALA-s, sepse nëse bëhet fjalë për statistika të dërgimit të sms-ve, është me të vërtetë një rezultat rekord dhe kjo ka ndodhur për herë të parë duke iu falënderuar investimeve që janë bërë, masave që janë ndërmarrë, angazhimit të ekipeve tona dhe si rezultat i ofertave gjithnjë e më atraktive që u ofrojmë konsumatorëve tanë”, ka deklaruar Dr. Shyqyri Haxha, Kryshef Ekzekutiv i PTK-së.

Sipas tij, ky grafikon i rritjes së efikasitetit të VALA-s dhe shtimit të konsiderueshëm të sms-ve për dallim me vitet e kaluara, tregon më së miri për punën e madhe të PTK-së në drejtim të komunikimit më të mirë dhe shërbimeve më kualitative.

VALA edhe për këtë festë, u ka mundësuar, pa kurrfarë pengese, dërgimin e miliona SMS-ve dhe realizimin e thirrjeve, përmes të cilave konsumatorët tanë, u kanë përcjellë urimet e tyre familjarëve dhe miqve anë e mbanë Kosovës.

Për festën e Fitër Bajramit, operatori publik mobil VALA, ka lansuar në treg ofertën speciale për festat e fundvitit për t’iu mundësuar mbi 1 milion konsumatorëve të saj komunikimin përmes SMS-ve për vetëm 1 cent brenda Vala-s dhe në të njëjtën kohë ka aplikuar tarifën e lirë, që do të thotë se të gjithë konsumatorët e VALA-s kanë përfituar nga komunikimi prej vetëm 4 cent për minutë.

Lajmet e fundit>