Lajmet

Vështrim: Sony Xperia S

Sep 3 2012
0 Shpërndarje
Vështrim: Sony Xperia S

Pas blerjes së pjesës së Ericsson në kompaninë e përbashkët, Sony prezantoi në muajin shkurt në Mobile World Congress në Barcelonë, gjeneratën e re të pajisjeve nga seria Xperia.

Top modeli i saj vjen me emrin Xperia S, i cili me performancat e larta në kombinim me dizajnin interesant do të tentojë të fitojë sa më shumë pjesë të tregut.

Edhe pse ndoshta nuk do të jetë konkurrent i drejtpërdrejt i modeleve që vijnë me procesor katër bërthamësh, me çmimin e vet të arsyeshëm konsiderohet në fakt si raporti më i mirë i investimit dhe fitimit. PCWorld ju sjell një vëzhgim të hollësishëm të këtij telefoni.

 

             

Kakteristikat themelore:

– Dimensionet: 128 x 64 x 10.6 mm

– Pesha: 144 gram

– Ekrani: 4,3” LCD 1280 x 720, Sony Bravia Engine

– Procesori: Dy bërthamësh Snapdragon, 1,5 GHz

– RAM: 1 GB

– Memoria e brendshme: 32 GB

– Sistemi operativ: Android 2.3.7 Gingerbread

– Kamera: 12 MP

– Video kamera: 1080p, 30 fps, autofokus i vazhdueshëm

– Vend për HDMI

– Lidhje DLNA

– FM radio me RDS

– Bateria: 1750 mAh

Mangësitë:

– Micro SIM

– Vjen me Gingerbread në vend të ICS (Ice Cream Sandwich)

Dizajni dhe shtëpiza

 

Modelet e deritanishme të Sony Ericsson i ka ndjekur dizajni specifik në bazë të së cilit ishin të njohur nga larg. Madje edhe tani kur pajisjet smartfonë po i ngjajnë gjithnjë e më shumë njëri-tjetrit, Sony

Xperia S me skajet e saj të mprehtë, pamjen si pjatë dhe me shiritin e tejdukshëm në fund të shtëpizës, ndryshon nga stereotipi. Natyrisht, gjithmonë do të ekzistojnë edhe ata të cilët nuk do të jenë të entuziazmuar me dizajnin radikal, por një gjë është e sigurt: Sony Xperia S me pamjen e vet dallon mjaft nga konkurrenca.

Pjesa e poshtme e shtëpizës është po ashtu interesante sepse vjen me një shirit me të vërtet transparent, në të cilin janë të integruara etiketat e tasteve funksionale. Edhe pse është interesant, ky koncept në fillim do t’iu habisë sepse me prekjen në këto etiketa nuk ndodh asgjë. Për funksionin e dëshiruar duhet të shtypni pikën në sfondin e zi e cila është vendosur mbi pjesën e asaj pjese transparente.

Në anën e djathtë kemi hapësirën për HDMI e cila për disa arsye është e ndarë nga vendi për Micro USB që gjendet në anën e kundërt. Disa prodhues të tjerë kohë më parë në pajisjet e tyre, kanë filluar të integrojnë të ashtuquajturin hapësirën për MHL, i cili i bashkon HDMI-në dhe USB-në, kështu që kjo zgjidhje në Xperia S nuk është shumë praktike.

Për më tepër, butoni për rregullimin e zërit gjendet gati në mes të pjesës anësore të pajisjes që është po ashtu pak e papërshtatshme.

Ajo çfarë na gëzon është butoni harduerik për kamerë i cili gjendet në vendin e zakonshëm. Ky buton është zhdukur nga pajisjet smartfonë në vitet e fundit, kurse Sony mban megjithatë traditën e saj me të cilën tregon se është e mundur të kombinohet me dizajnin superior.

Lajmet e fundit>