Analiza

YouTube, burim i lajmeve për fatkeqësitë

Jul 16 2012
0 Shpërndarje
YouTube, burim i lajmeve për fatkeqësitë

Një studim i ri gjeti që YouTube është duke u shëndërruar në një platformë madhore për lajme, që për lexuesit dhe shikuesit kthehet në qendër të vëmendjes për dëshmi pamore të ngjarjeve të ndryshme.

Projekti për Përsosmëri në Gazetari nga Qendra Hulumtuese Pew gjatë së hënës bëri kontrollimin e vet për 15 muaj të videove më të popullarizuara të lajmeve në faqen që posedohet nga Google.

Ai gjeti që derisa vëzhgimi i lajmeve në TV ende tejkalon numrin e shikuesve të lajmeve në YouTube, faqja për video-shpërndarje është një ambient digjital i cili po rritet dhe ku gazetarët profesionistë bashkohen me përmbajtjen qytetare.

“Atje është një formë e re e video gazetarisë në këtë platformë,” tha Amy Mitchell, që është zëvendës-drejtoresh e Projektit për Përsosmëri në Gazetari të Qendrës Hulumtuese Pew. “Është një formë në të cilën bashkëpunimi mes organizatave të lajmeve dhe qytetarëve është më dinamik dhe më i shumëllojshëm se sa që kemi parë në shumicën e platformave të tjera më parë.”

Më tepër se një e treta e videove më të shikuara vijnë nga qytetarët. Pastaj, më tepër se gjysma vijnë nga organizatat e lajmeve, por gjërat në këto video nganjëherë inkorporojnë pamje të kapura nga përdoruesit e YouTube.

Tërmeti dhe cunami në Japoni ishin disa prej ngjarjeve më të shikuara të lajmeve gjatë studimit, i cili zgjati nga janari i vitit 2011, deri në marsin e vitit 2012.

Top videot nga Japonia përfshinin pamje nga kamerat e të mbijetuarve, një rrjet lajmesh dhe një anije e Rojës Detare Japoneze.

Ngjarje të tilla dramatike ishin shpesh në mesin e videove më të shikuara. Ngjarjet e tjera të popullarizuara të lajmeve përfshinin zgjedhjet në Rusi, trazirat në Lindjen e Mesme, rënia e një skene në Indiana dhe përplasja e një anije lundruese italiane.

“Njëra nga gjërat që del në shesh këtu është fuqia e posedimit të dëshmive si një pjesë e procesit konsumues të lajmeve,” tha Mitchell. “Shuma nga rrëfimet më të shikuara që ne jemi duke i shikuar këtu kanë një shëmbëlltyrë vërtetë të fuqishme përreth tyre.” (PCWorld Albanian)

Lajmet e fundit>