Analiza

30 miliardë dollarë të investuara dhe shumica e ICO-ve nuk kane dhënë asgjë

Publikuar , 17 Nëntor 2018
0
Ndërsa nuk mungojnë shembujt e aplikimi të teknologjisë blockchain me përfitime të drejtpërdrejta, shumica e projekteve kanë objektiva tejet ambiciozë. 30 miliardë dollarë të investuara dhe shumica e ICO-ve nuk kane dhënë asgjë

Në dy vitet e fundit, Oferta Fillestare të Monedhave (ICO) kanë ngritur mese 30 miliardë dollarë.

Megjithatë shumica prej tyre nuk kanë dhënë rezultate konkrete si adoptimi i blockchain apo rritja e aktivitetit të sistemeve të decentralizuara.

Vetëm një numër i vogël i tyre kanë treguar sukses duke themeluar një vizion të qartë me plane rritjeje dhe përdorimi reale të teknologjisë blockchain me përfitim direkt nga përdoruesit.

Binance Coin, e cila është monedha bazë e bursës Binance, përdoret për të realizuar proceset e këmbimit “peer-to-peer” në bursën e  decentralizuar të Binance.

Mijëra tregtarë kanë filluar të përdorin BNB për të pranuar pagesa në monedha kriptografike.

OX, monedha bazë e bursës së decentralizuar OX, është e nevojshme për të thjeshtuar likuiditetin mes bursave të ndryshme që operojnë mbi protokollin Ox.

Ndërsa nuk mungojnë shembujt e aplikimi të teknologjisë blockchain me përfitime të drejtpërdrejta, shumica e projekteve kanë objektiva tejet ambiciozë.

Pas 30 miliardë dollarësh të investuara, nuk ekziston një aplikacion i vetëm krypto i cili ka një bazë reale përdoruesish me përjashtim të spekulimit.

Sakaq me implementimin e rregullave të reja nga autoritetet Amerikane, ekosistemi i ICO-ve do të vështirësohet edhe më tepër për inovatorët dhe projektet.

Gjatë kësaj jave autoritetet në fjalë refuzuan licencimin e dy projekteve ICO AirFox dhe Paragon.

SEC thotë se rregullorja e re vjen në mbështetje të blockchain dhe teknologjive të aplikuara.

2018-ta pritet të jetë viti i cili do të ndajë projektet e mira nga të këqijat dhe do të mbijetojnë vetëm ato që kanë një vizion, strategji dhe bazë përdoruesish.

Me reduktimin e kapitalit, investitorët të cilët kanë hedhur para në projekte të ndryshme tashmë do të jenë më të kujdesshëm duke mos investuar në projekte jo kompetitive.

LEXO EDHE:  Warren Buffet, Bitcoin e pret një fund i keq

Gradualisht ata do të mësojnë të kryejnë “due dilligence” dhe tregu të evoluojë në një sektor konkurrues kur ato të cilësisë së dobët do të shuhen. /PCWorld Albanian

Lajmet e fundit>