Lajmet

85 aplikacione të cilat pushtojnë telefonët me reklama kanë marrë 8 milionë shkarkime në Android

PCWorld Albanian Nga: PCWorld Albanian
Publikuar , 16 Gusht 2019
0
Këta 85 aplikacione përveçse pushtojnë telefonët me reklama, janë të vështirë për të fshirë sepse përdorin teknika të cilat shmangin identifikimin. 85 aplikacione të cilat pushtojnë telefonët me reklama kanë marrë 8 milionë shkarkime në Android

Dhjetëra aplikacione adware të cilët silleshin si aplikacione për editimin e fotove ose si lojëra janë kapur duke ofruar reklama të cilat pushtonin ekranin e telefonëve të përdoruesve si pjesë e një skeme për gjenerimin e të ardhurave përmes mashtrimit.

Firma e sigurisë Trend Micro tha se ka gjetur plot 85 aplikacione individuale të shkarkuara mese 8 milionë herë në Google Play dhe të gjithë tashmë janë hequr.

Aplikacionet adware funksionojnë në sfond dhe ofrojnë mbushin ekranet e telefonëve në reklama për të gjeneruar të ardhura pa dijeninë e përdoruesit.

Këta 85 aplikacione përveçse pushtojnë telefonët me reklama, janë të vështirë për të fshirë sepse përdorin teknika të cilat shmangin identifikimin.

Sapo instaloheshin, aplikacionet qëndronin në heshtje për gjysmë ore. Më pas aplikacioni fshihte ikonën e tij dhe krijonte një shkurtesë në ekran. Kështu zhvilluesit e aplikacioneve në fjalë i mbronin ato nga fshirja.

Aplikacionet kishte një kod i cili bën të mundur që e njëjta reklamë të mos shfaqej disa herë në ekran. Për më tepër intervali i shfaqjes së tyre kontrollohej plotësisht nga personat pas kësaj skeme.

Trend Micro ka ofruar një listë të aplikacioneve dhe disa prej tyre janë Super Selfie Camera, Cos Camera, Pop Camera dhe One Stroke Line Puzzle. /PCWorld Albanian

LEXO EDHE:  Korrja e të dhënave nga aplikacionet Android "jashtë kontrolli"

Lajmet e fundit>