Lajmet

AdBlock Plus, softueri që bllokon të gjitha reklamat edhe në celularë

Publikuar , 03 Dhjetor 2012
0
AdBlock Plus, softueri që bllokon të gjitha reklamat edhe në celularë

Reklamat në smartfonë dhe pajisje tjera celulare mund të dalin nga përdorimi, pasi kompania e cila ka prodhuar softuerin që është shkarkuar më së shumti online, pritet të lançojë versionin e saj për telefonë. Kompania Eyeo e cila zhvilloi softuerin AdBlock Plus, do të lançojë versionin e këtij aplikacioni për telefonët Android, hap ky i cili mund të shkaktojë kokëçarje të mëdha për industrinë në rritje të reklamimit në telefona.

Rreth 50 milion njerëz tashmë kanë shkarkuar versionin për kompjuter të softuerit AdBlock Plus, i cili ndalon shfaqjen e reklamave në shfletues të ndryshëm, si në Firefox, Chrome etj., ueb faqe e po ashtu edhe reklamat e pashmangshme që i paraprijnë videot në faqet si YouTube.

Në Britaninë e Madhe dhe SHBA vetëm rreth dy apo tre përqind e përdoruesve të internetit kanë të instaluar këtë program, por në Gjermani është shumë i popullarizuar ku më shumë se një e dhjeta e përdoruesve e kanë shkarkuar atë.

100,000 shkarkime në ditë

Fitimet mbarëbotërore nga industria e reklamimit mobil kanë arritur shifrën prej 5.3 miliardë dollarë vitin e kaluar sipas Byrosë Interaktive të Reklamimit (Interactive Advertising Bureau), edhe pse AdBlock Plus është kritikuar për reduktimin e fitimeve të ueb faqeve që ofrojnë përmbajtje falas.

Drejtori i kësaj zyre në Britani Nick Stringer, insiston se kjo industri duhet të pranoj rolin të cilin reklamat e luajnë në shërbimet e financimit dhe përmbajtjes online, duke shtuar se prodhimet si AdBlock “e minojnë atë model të biznesit.”

Por, Till Faida bashkë themeluesi i kompanisë Eyeo, kundërvihet duke thënë se ka “nevojë të madhe” për aplikacionin e tij i cili do të jetë i pari që do të mënjanojë të gjitha reklamat në smartfonë.

LEXO EDHE:  Refuzimi i teknologjisë 5G të kompanive Kineze do ti kushtojë operatorëve Evropianë 55 miliardë euro

Ai insiston se nuk është kundër reklamave në vetvete (lat. per se), duke argumentuar se duhet të jetë një “terren i mesëm i qëndrueshëm” të cilin përdoruesit mund ta pranojnë. Ai thotë se AdBlock përfshinë “listën e bardhë” të ueb faqeve me reklama të cilat nuk janë të bezdisshme, si Amazon, promocionet e së cilës nuk janë të bllokuara.

“Qëllimi kryesor është të sigurojmë që publikuesit e vogël dhe blogerët mos të dëmtohen nga bllokimi i reklamave, që ata të mund të vazhdojnë të shfaqin përmbajtjen e tyre falas”,- deklaroi Faida. (PCWorld Albanian)

Lajmet e fundit>