Harduer

AMD prezanton një kartë grafike të re më 3 Mars

Nga: PCWorld
Publikuar , 25 Shkurt 2021
Lajmi i AMD vjen pak ditë pasi Nvidia nisi shitjet e kartës grafike RTX 3060 me kosto të përballueshme. AMD prezanton një kartë grafike të re më 3 Mars

AMD lajmëroi një eveniment hardueri që po vjen muajin e ardhshëm dhe kompania ka rezervuar një surprizë për adhuruesit e video lojërave.

Evenimenti sillet rreth kartës grafike të re të serive Radeon RX 6000 dhe do të mbahet më 3 Mars. Njëlloj si grafikat e tjera të linjës RX 6000, ky model i ri do të bazohet në arkitekturën RDNA 2 dhe ray-tracing.

Lajmi i AMD vjen pak ditë pasi Nvidia nisi shitjet e kartës grafike RTX 3060 me kosto të përballueshme.

Linja RX 6000 AMD debutoi në fund të Tetorit duke u pozicionuar si konkurrentë direktë të Nvidia RTX 30. Aktualisht RTX 6000 ka tre karta grafike: flagshipi RX 6900 XT, modeli 649 dollarësh RX 6800 XT dhe RX 6800 me çmim prej 579 dollarësh. /PCWorld Albanian

LEXO EDHE:  AMD Ryzen 5000 bëhet procesori më i shitur ndonjëherë