Harduer

Analistët parashikojnë rritje të çmimeve të produkteve elektronike

Nga: PCWorld
Publikuar , 24 Maj 2022
Kompanitë të cilat integrojnë çipet në produktet e tyre do të fillojnë të kalojnë kostot tek konsumatorët. Analistët parashikojnë rritje të çmimeve të produkteve elektronike

Produktet të cilat mbështeten tek çipet mund të bëhen më të kushtueshëm ndërsa kompanitë e prodhimit po rrisin çmimet.

Fabrikat më të mëdha në botë përfshirë Taiwan Semiconductor, Samsung dhe Intel po konsiderojnë rritjen e çmimeve.

“Fabrikat kanë rritur çmimet me 10 deri në 20% krahasuar me vitin e kaluar,” thanë analistët ndërsa pritet një rritje tjetër prej 5 deri në 75 gjatë këtij viti.

Çmimet po rriten nga fabrikat sepse ato duan ti rrisin, por edhe sepse po bëhet më e kushtueshme për to të financojnë operacionet në rritje. Materialet kimike të nevojshme për prodhim janë rritur në çmim me 20%.

TSMC paralajmëroi klientët e saj për herën e dytë brenda një viti për rritje të çmimeve sipas Nikkei Asia.

Rivali tjetër Samsung do të rrisë çmimet me deri në 20% sipas Bloomberg. Analisti i Forrester Glenn O’Donnel tha se rritja e kostos së çipeve do të shkaktojë rritje çmimesh të produkteve elektronike me 10-15%.

Kompanitë të cilat integrojnë çipet në produktet e tyre do të fillojnë të kalojnë kostot tek konsumatorët. Produktet që përdorin çipet më të avancuara si kartat grafike dhe procesorët e segmentit të lartë do të vërejnë rritje të çmimeve. /PCWorld Albanian

LEXO EDHE:  Intel braktis brendin Celeron dhe Pentium të procesorëve