Biznes

Apple vazhdon me rritje

Publikuar , 19 Tetor 2011
0
Apple vazhdon me rritje

Këtë javë Apple ka bërë të ditur rezultatet financiare për çerekun e katërt të vitit 2011 që ka përfunduar me 24 shtator, 2011 dhe rezultate postuara tregojnë për të hyra prej 28,27 miliard dollarë dhe fitime neto prej 6.62 miliard dollarë apo 7.05 dollarë për aksion. Këto rezultate krahasuar me të hyrat prej 20.34 miliard dollarë dhe profit neto të çerekut prej 4.31 miliard dollarë, që ishin në çerekun e njëjtë të vitit të kaluar. Margjina bruto e rritjes ishte 40.3 për qind, një rritje krahasuar me 36.9 për qind sa ishte vitin e kaluar. Shitjet ndërkombëtare kanë përfshirë 63 për qind të të hyrave të këtij çereku.

Kompania ka shitur 17.07 milion iPhone në këtë çerek, duke përfaqësuar kështu 21 për qind të rritjes së njësisë prej viti në vit, krahasuar me çerekun e vitit të kaluar. Apple ka shitur 11.12 milion iPad gjatë çerekut, një rritje në një si prej 166 për qind krahasuar me çerekun e njëjtë të vitit të kaluar. Kompania ka shitur 4.89 milion Mac gjatë çerekut, një rritje në njësi prej 26 për qind, pastaj 6.62 milion iPad, një rritje prej 27 për qind, etj. Këto shifra ishin në fakt pak nën parashikimet e Wall Street, por Apple ka sugjeruar se çereku i ardhshëm, kur përfshihen festat e Krishtlindjeve, do të shfaq rezultatet më të mira. Ndoshta edhe më të mirat deri tani.

“Ne jemi jashtëzakonisht të lumtur të shohim të hyra dhe profite rekord” tha Peter Oppenheimer, CFO i Apple. “Mezi po presim për çerekun e parë fiskal të vitit 2012, që do të përfshijë 14 javë, dhe ku presim 37 miliard dollarë të hyra dhe përftime në aksione prej 9.30 dollarë”. /pcworldalbanian 

LEXO EDHE:  Deklarimet online, doganat kujtojnë bizneset për dokumentet për kontroll fizik

Lajmet e fundit>