Biznes

Apple vë gjithë zinxhirin e prodhimit në shërbim të luftës ndaj COVID-19

Nga: PCWorld
Publikuar , 06 Prill 2020
0
“Kemi nisur një fushatë të gjerë me dizajnerët, inxhinierët, ekipet e furnizimit, prodhimit dhe paketimit të maskave mbrojtëse për stafet mjekësore,” tha Cook. Apple vë gjithë zinxhirin e prodhimit në shërbim të luftës ndaj COVID-19

Apple ka dizajnuar dhe është duke prodhuar maska mbrojtëse për stafet mjekësore bëri të ditur CEO i kompanisë Tim Cook përmes një videoje ditën e Dielë.

Kompania synon të prodhojë 1 milion maska mbrojtëse në javë. “Kemi nisur një fushatë të gjerë me dizajnerët, inxhinierët, ekipet e furnizimit, prodhimit dhe paketimit të maskave mbrojtëse për stafet mjekësore,” tha Cook.

Doktorët në SHBA por edhe në mbarë botën kanë bërë thirrje për ndihmë në pajisjet mbrojtëse mjekësore përballë krizës së COVID-19. Cook gjithashtu tha se kishte dhuruar 20 milionë maska deri më sot.

Për shkak të pandemisë së koronavirusit, punonjësit e Apple në Kaliforni po punojnë nga shtëpitë e tyre dhe dyqanet fizike të Apple jashtë Kinës janë të gjitha të mbyllura pa afat. /PCWorld Albanian

LEXO EDHE:  Telefoni më i shitur i 2019-ës mund tju surprizojë