Harduer

Apple Watch përbën gjysmën e orëve inteligjente të shitura

PCWorld Albanian Nga: PCWorld Albanian
Publikuar , 07 Gusht 2019
0
Strategy Analytics thotë se orët e fundit si Galaxy Watch Active 2 mund të ndihmojnë biznesin e orëve të rritet të tutje për Samsung. Apple Watch përbën gjysmën e orëve inteligjente të shitura

Apple Watch mbetet ora inteligjente më e shitur në botë sipas raportit më të fundit të Strategy Analytics.

Në tërësi kjo industri po kalon ditë të mira me 12 milionë njësi të shitura përgjatë periudhës Prill – Qershor të këtij viti, një rritje me 44% krahasuar me 2018.

Pjesën më të madhe të orëve të shitura e përbëjnë Apple Watch, ose konkretisht me 5.7 milionë njësi të shitura por ende larg 9.2 milionë orëve të shitura në tremujorin e fundit të 2018.

Samsung vijon të jetë i dyti por shumë larg Apple duke shitur jo më shumë se 2 milionë orë inteligjente. Edhe pse është më pak se gjysma e orëve që Apple ka shitur, është një rritje konsiderueshme krahasuar me 0.9 milionë orët që shiti një vit më parë Samsung.

Strategy Analytics thotë se orët e fundit si Galaxy Watch Active 2 mund të ndihmojnë biznesin e orëve të rritet të tutje për Samsung.

Në vendin e tretë vjen Fitbit me 1.2 milionë orë të shitura, ose 10% të tregut global. Krahasuar me një vit më parë, Fitbit shënoi rënie me 5%.

Kompania ka hasuar vështirësi të konkurrojë në tregun e rangut të lartë ndërsa shitjet e modeleve buxhetore si Versa Lite kanë qenë më të dobëta sesa pritej.

Sipas firmës analitike Fitbit duhet të gjejë sa më parë një rrugëzgjidhje ose të rrezikojë të humbasë vendin e tretë përballë Garmin dhe Fossil. /PCWorld Albanian

LEXO EDHE:  Koreja e Jugut vendi i parë në botë që lançon zyrtarisht 5G

Lajmet e fundit>