Harduer

BlackBerry Key2 vjen me kamera të reja dhe kushton 649 dollarë

Publikuar , 07 Qershor 2018
0
Telefoni ka ekran 4.5-inç LCD me raport 3:2. Ekrani është i mjaftueshëm për të luajtur dhe tastiera e mrekullueshme për të shkruar e-mail-e. BlackBerry Key2 vjen me kamera të reja dhe kushton 649 dollarë

BlackBerry zyrtarisht prezantoi telefonin e ri Key2, pasardhësin e modelit të vitit të kaluar KeyOne.

Është një telefon i rangut të mesëm i cili vjen me tastierën ikonike fizike të kompanisë.

Key2 ngjan së shumti me paraardhësin vetëm se këtë herë skajet në krye të telefoni janë ngushtuar dhe butonët zgjeruar.

Butonët e navigimit në krye të tastierë kanë një dritë në sfond dhe fshihen kur nuk janë në përdorim.

Edhe pse Key2 është “BlackBerry-i më i avancuar në treg sot,” duket se rrënjët i ka ende tek e kaluara.

Telefoni ka ekran 4.5-inç LCD me raport 3:2. Ekrani është i mjaftueshëm për të luajtur dhe tastiera e mrekullueshme për të shkruar e-mail-e.

Dilema e vetme do të ishte nëse preferoni tastierën virtuale dhe simbolet e saj të cilat mungojnë në tastierën fizike.

Ndërsa nuk ka ndryshime në madhësinë e telefonit apo ekranit, kamera e tij është përmirësuar. Key2 ka një kamër të pasme të dyfishtë me sensorë 12-megapiksel, njëri me hapje f/1.8 dhe tjetri f/2.6.

Specifikat e Harduerit:

  • Ekrani: 4.5-inç IPS LCD 1080×1620 piksel
  • Procesori: Snapdragon 660 me tetë bërthama
  • RAM: 6GB RAM
  • Memoria e Brendshme: 64 dhe 128GB
  • Kamerat: 12-megapiksel e dyfishtë e pasme, 8 megapiksel frontale.
  • Konektiviteti: Bluetooth 5.2, Wi-Fi 802.11a/b/g/n/ac, LTE Cat6 600/75Mbps
  • Të tjera: USB-C, skaner i shenjave të gishtërinjve, microSD deri në 256GB

Konfigurimi i kamerave ofron modalitetin portret dhe autofokus më të shpejtë. Kamera frontale 8-megapiksel ka efektet slow-motion dhe panorama si dhe mund të regjistrojë video 1080p me 30 frekuenca në sekond.

Kamera mund të rivalizojë lehtësisht iPhone 8 Plus dhe Samsung Galaxy Note 8 për nga specifikat që ka.

Ajo që do të dashuroni me të vërtetë tek ky telefon është jetëgjatësia e bateri. Me një kapacitet prej 3,500 mAh, bateria mund tju shoqërojë përgjatë dy ditëve.

LEXO EDHE:  Facebook ka aksesuar kontaktet e 1.5 milion e-maileve të përdoruesve

BlackBerry vendosi të zëvendësonte butonin “Shift” në të djathtë për ta zëvendësuar me një buton shpejtësie që mund të konfigurohet sipas dëshirës.

Butoni i hapësirës shërben edhe si skaner i shenjave të gishtërinjve por edhe si buton kamere. Me Key2 mund të përdorni tërë tastierën si një touchpad, shumë e dobishme për të shfletuar në ueb.

Telefoni ruan portën 3.5 mm të kufjeve dhe vendos butonën e ndezjes dhe volumit në të djathtë të tij.

Disa prej përditësimeve më të prekshme të Key2 i gjeni edhe në listën e aplikacioneve të sigurisë si Dtek, Locker dhe Power Center.

Locker Mode i cili erdhi si një ekskluzivitet i BlackBerry Motion debuton në KeyOne në Dhjetor por me Key2 ai është i integruar. Jo vetëm që është një hapësirë ku ruani fotot dhe skedarët privatë por edhe aplikacione private si Firefox Focus.

Power Center është aty për të mësuar nga mënyra sesi ju e karikoni telefonin. Konkretisht nëse ju karikoni telefonin çdo 10 të mbrëmjes, nëse nesër e kaloni këtë afat do të paralajmëroheni.

Pjesa tjetër e specifikave të Key2 janë të ngjashme me KeyOne. Key2 vjen me Android Oreo, procesor Snapdragon 660 dhe 6GB RAM. Memoria e brendshme ofrohet në 64GB dhe 128GB. Key2 fillon nga 649 dollarë. /PCWorld Albanian

Lajmet e fundit>