Lajmet

Clubhouse sjell audion hapësinore

Nga: PCWorld
Publikuar , 30 Gusht 2021
Me audion hapësinore përdoruesit kuptojnë se nga vjen audio jo thjeshtë sesi ngjan zëri i dikujt. Clubhouse sjell audion hapësinore

E gjithë filozofia e Clubhouse është tek dhomat e bisedave audio, andaj çdo përmirësim që mund të vijë në këtë aplikacion normalisht do të shkonte për cilësinë e audios.

Nëse keni harduerin e nevojshëm, aplikacioni lançoi së fundi mbështetjen për audion hapësinore në iOS duke ju dhënë përdoruesve një bisedë më natyrale dhe reale sikur të ishin përballë njeri-tjetrit.

Me audion hapësinore përdoruesit kuptojnë se nga vjen audio jo thjeshtë sesi ngjan zëri i dikujt. Funksionaliteti po lançohet gradualisht në iOS nga dita e sotme.

Në Android kompania tha se do të vijë së shpejti. Për të provuar audion hapësinore, përdoruesit duhet të kenë kufjet AirPods Pro ose AirPods Max apo kufjet të tjera me kabëll që mbështetin këtë efekt.

Audio hapësinore nuk do të funksionojë nëse lidhja realizohet përmes bluetooth. /PCWorld Albanian

LEXO EDHE:  Apple paditet në gjykatë për abuzim me sistemin Apple Pay