Lajmet

Crystal, asistenti i inteligjencës artificiale i cili krijon dhe menaxhon fushatat tuaja të reklamimit në median sociale

Publikuar , 14 Maj 2018
0
“Fillimisht Crystal është falas për tu përdorur muajin e parë,” vijoi Esposito. Më pas përdoruesit kalojnë në versionin Premium ku inteligjenca e saj artificiale mund të analizojë rezultate në mënyrë të saktë për të përcaktuar strategjinë e duhur të marketingut. Crystal, asistenti i inteligjencës artificiale i cili krijon dhe menaxhon fushatat tuaja të reklamimit në median sociale

STEFANIA AOI – La Repubblica

“Përshëndetje, unë jam Crystal dhe mund tju ndihmoj për të përmirësuar rezultatet e kërkimit në ueb dhe në median sociale përmes inteligjencës time artificiale. Ju si quheni?”

Ky është mesazhi që merrni sapo vizitoni sajtin Crystal.ai, asistentin e parë virtual të iGenius, një startup italian themeluar nga emigranti Shqiptar Uljan Sharka.

Në pak vite aktivitet, iGenius ka zgjeruar praninë përtej Italisë në Shtetet e Bashkuara, Britani dhe Zvicër dhe nënshkruar bashkëpunime me Facebook, Google dhe Twitter.

Crystal ka 20 mijë përdorues dhe shfrytëzon inteligjencën artificiale për tu përmirësuar vazhdimisht si dhe përpunimin natyral të gjuhës e cila e lejon të komunikojë me klientët.

“Kemi lançuar Crystal tashmë në Shtetet e Bashkuara – tha Flavia Esposito, editor përmbajtjeje pranë iGenius – dhe ju sigurojmë se falë tij kompanitë mund të arrijnë konsumatorët potencial shpejtë dhe lehtë duke analizuar të dhënat dixhitale të ofruara nga ne.”

“Çdokush mund të lidhë kanalet e tij me Crystal dhe e gjitha kjo ndodh me privatësi të plotë,” shpjegon Esposito.

Madje Crystal mund tu sugjerojë klientëve të fillojnë një fushatë si dhe të kujdeset për krijimin e modelimin e saj pa pasur nevojë përfshirjen e askujt.

“Fillimisht Crystal është falas për tu përdorur muajin e parë,” vijoi Esposito. Më pas përdoruesit kalojnë në versionin Premium ku inteligjenca e saj artificiale mund të analizojë rezultate në mënyrë të saktë për të përcaktuar strategjinë e duhur të marketingut.

Toyota dhe Puma janë disa prej klientëve të profilit të lart të iGenius. Startupi i Uljanit i iniciuar në 2016-ën mori një investim prej 1.5 milion dollarësh nga investitorë engjëj në Shtatorin e të njëjtit vit.

LEXO EDHE:  Mbahet takimi i parë i jurisë së ICT Awards 6, mbi 100 aplikime kërkojnë suksesin në shtatë kategori

Është vlerësuar si një prej startupeve më të mira në botë nga Facebook, Google, Web Summit, Startup Grind dhe TecCrunch.

iGenius ka investuar mëse 5 milion dollarë për të përmbushur misionin e tij dhe shpreson të ngrijë deri në 20 milionë dollarë nga investitorë ndërkombëtarë. /PCWorld Albanian

Artikulli origjinal: http://www.repubblica.it/economia/rapporti/paesedigitale/storie/2018/04/16/news/arriva_crystal_crea_in_automatico_campagne_marketing_sui_social-194010702/

Lajmet e fundit>