Blog

Franca gjobit motorin e kërkimit dhe për një arsye të fortë

Publikuar , 21 Janar 2019
0
Informacioni i GDPR mungonte jo vetëm për politikat e Google por edhe mënyrën sesi të kontrollohen informacionet. Franca gjobit motorin e kërkimit dhe për një arsye të fortë

Autoritetet Franceze kanë gjobitur Google me 50 milion euro. Kompania nuk ka përmbushur dot obligimet e GDPR.

Gjoba është më e madhe dhënë për këtë rast dhe përbën precedent.

Autoritetet thonë se gjoba u vendos për shkak se kompania nuk u ka dhënë përdoruesve informacion të mjaftueshëm.

Informacioni mungonte jo vetëm për politikat e Google por edhe mënyrën sesi të kontrollohen informacionet.

Sipas GDPR, kompanitë duhet të marrin aprovimin e përdoruesve përpara se të grumbullojnë informacionet e tyre.

Edhe pse 50 milion euro duket një gjobë e madhe, është larg limiteve që lejon GDPR. Kompanitë që nuk përmbushin kriteret GDPR, mund të aplikohen gjoba deri në 4% të të ardhurave vjetore.

Imagjinoni të gjobitej maksimalisht një kompani si Google me 33.74 miliardë dollarë të ardhura vetëm tre mujorin e kaluar.

Gjoba do të ishte miliarda dollarë. /PCWorld Albanian

LEXO EDHE:  Android Q do të ketë një "Desktop Mode"

Lajmet e fundit>