Lajmet

Google nuk do të “sabotojë” Microsoft Edge e ri

PCWorld Albanian Nga: PCWorld Albanian
Publikuar , 28 Prill 2019
0
Përdoruesit e Google Meet ishin përballur me një mesazh për të shkarkuar Chrome ose Firefox duke nxitur frikë se shërbimet e Google nuk do të funksionojnë edhe në shfletuesin e ri Edge. Google nuk do të “sabotojë” Microsoft Edge e ri

Microsoft së shpejti do të kalojë shfletuesin e ri Edge në motorin e Chromium që do të thotë se kodi i Chrome do të shërbejë si shfletues kryesor në Windows 10.

Me pak fjalë shërbimet e Google duhet të funksionojnë shumë mirë me versioni e ri të Edge por testuesit beta këtë javë vunë re se Google Meet, shërbimi i komunikimit për sipërmarrjet, kishte ndaluar së funksionuari.

Përdoruesit e Google Meet ishin përballur me një mesazh për të shkarkuar Chrome ose Firefox duke nxitur frikë se shërbimet e Google nuk do të funksionojnë edhe në shfletuesin e ri Edge.

Por realiteti është tjetër. “Shohim rritjen e adoptimit të Chromium dhe WebRTX si një hap pozitiv në industrinë e komunikimit të unifikuar,” shprehej Google. “Me lançimin e fundit të Edge jemi të emocionuar të ofrojmë eksperiencën më të mirë të Hangouts Meet në shfletuesin më të ri Chromium.”

Google Meet nuk është në listën e bllokimit dhe së shpejti do të jetë i disponueshëm në Edge. Versioni i fundit i Microsoft Edge tashmë ka debutuar në fazën beta dhe mund ta shkarkoni në këtë lidhje. /PCWorld Albanian

LEXO EDHE:  Përditësimet në Windows 10 janë shndërruar në makth përdoruesit

Lajmet e fundit>