Lajmet

Grupi i hakerëve Anonymous shpall luftë Rusisë

Nga: PCWorld
Publikuar , 28 Shkurt 2022
Grupi i hakerëve Anonymous shpall luftë Rusisë

Konfliktet kibernetike luftohen në hije, por në rastin e pushtimit të Ukrainës nga Rusia, është një grup që e quan veten Anonymous dhe ka bërë një deklaratë publike lufte.

Të Enjten vonë grupi i hakerëve përmes një cicërime në Twitter tha se kishte vënë në shënjestër regjimin e Vladimir Putin.

Që nga ajo ditë grupi ka marrë përgjegjësinë për shumë incidente kibernetike dhe sulme DDoS dhe madje rrëzuar uebsajte shtetërore si dhe agjencinë shtetërore të lajmeve Russia Today.

Anonymous tha se kishte hakuar edhe Ministrinë Ruse të Mbrojtjes ndërsa të Dielën tha se ka hakuar kanalet televizive shtetërore Ruse duke publikuar përmbajtje si këngë dhe imazhe patriotike Ukrainase.

Natyra informale e grupit e bën të vështirë atribuimin e sulmeve ndaj një apo disa individëve. Por Rusia nuk është e vetmja shënjestër e grupit. CIA, Shteti Islamik gjithashtu janë goditur nga Anonymous.

Grupi thotë se parimi i tyre kryesor është kundër shtypjes.

LEXO EDHE:  Jetëgjatësia e baterisë së iPhone 13 është një diferencë e madhe me iPhone 12