Harduer

HTC Tatto: Një Android për të gjithë

Publikuar , 08 Shtator 2009
0
HTC Tatto: Një Android për të gjithë

Më herët i njohur si HTC Click, Tatto ka pranuar emrin e tij falë opsioneve për përpunime sipas shijes së përdoruesit dhe në bazë të marketingut që i është bërë si Android për të gjithë. Është celulari i dytë i kësaj kompanie, pas HTC Hero, që do të përdor ndërfaqen e përdoruesit HTC Senser, që ofron deri në shtatë panele të shtëpisë të cilat mund të personalizohen me widgets të ndryshëm, shkurtesa dhe wallpaper.

Vetë celulari është mjaft kompakt me dimensione prej 106mm i gjatë 55mm i gjerë dhe 14mm i trashë, ndërsa peshon vetëm 113 gram. HTC Tatto veçohet me një ekran 2.8 inç QVGA të ndjeshëm në prekje dhe arrin me një portë 3.5 mm për kufje, një port për microSD, dhe një kamerë 3.2 megapikselëshe. Wi-Fi dhe Bluetooth janë gjithashtu në bord. Natyrisht, pasi që është celularë Android, ju përmes tij mund të keni qasje në shërbime të ndryshme të Google, si Google Maps, Google Mail dhe në tregun Android.

HTC Tatto do të paraqitet së pari në Evropë, duke filluar prej muajit tetor. Sipas HTC, celulari do të paraqitet në tregun anembanë botëror gjatë muajve vazhdues. Çmimi nuk është bërë i ditur në këtë kohë.

LEXO EDHE:  Me versionin e fundit të Windows 10-ës Microsoft një hap më pranë eliminimit të fjalëkalimeve

Lajmet e fundit>