Analiza

IBM: Kompjuterët do të kenë të pesta shqisat njerëzore në 5 vitet e ardhshme

Publikuar , 23 Dhjetor 2012
0
IBM: Kompjuterët do të kenë të pesta shqisat njerëzore në 5 vitet e ardhshme

IBM PCPC-të dhe smartfonët e sotëm mund të bëjnë shumë gjëra, duke filluar nga njoftimi brenda disa sekondave se si do të jetë moti nesër e deri tek blerja e kafes suaj të mëngjesit.

Por, t’iu kërkosh të dallojnë vetëm përmes nuhatjes aromën e një parfumi apo të ndjejnë materialin prej nga është i përbërë një fustan, është për momentin e pamundur.

Megjithatë, IBM parashikon se kjo gjë do të ndryshojë në 5 vitet e ardhshme. Kompjuterët e ardhshëm do të arrijnë të jenë më të ndërgjegjshëm për botën që i rrethon dhe do ta kuptojnë më mirë atë.

IBM parashikon se gjatë pesë viteve të ardhshme kompjuterëve do t’ju shtohen të pesta shqisat e njeriut: ata do të shohin, do të dëgjojnë, do të shijojnë, do të nuhasin dhe do të prekin. Shtimi i këtyre pesë shqisave është pjesë e një koncepti të rëndësishëm që njihet me emrin “ndërlidhja kompjuterike”, (cognitive computing) e cila përfshin idenë që kompjuterët të jenë të aftë ta përjetojnë botën ashtu siç do ta bëntë një njeri.

Për shembull, një kompjuter i tillë nuk do ta shihte e përshkruante një pikture thjesht si një bashkësi pikash me ngjyra, pigmente dhe nuanca; por, do të ishte në gjendje të shihte përtej këtyre elementëve të dukshëm, pra të arrinte ta kuptonte vërtet atë.

Gjithsesi, fusha e ndërlidhjes kompjuterike nuk është e njëjta me inteligjencën artificiale, që do të thotë se ekziston një ndarje e qartë mes tyre.

Kjo teknologji do të krijohet më tepër si shoqëruese e diçkaje tjetër. Ajo nuk mund të funksionojë e vetme pasi nuk është e projektuar në atë mënyrë. Ajo është krijuar për të ndihmuar njerëzit dhe ka më tepër “bandwidth” në vetvete sesa inteligjencë të mirëfilltë.

LEXO EDHE:  Njihuni me Galaxy Note 10 dhe Note 10+

Ky është dhe ndryshimi themelor mes këtyre dy fushave. (PCWorld Albanian)

Tags >

pc
Lajmet e fundit>