Harduer

Inagurohet në Tiranë qendra laboratorike e inovacionit ICTSlab, sjell kurrikulat e kodimit dhe robotikës më të avancuara ndërkombëtare

Nov 8 2018
0 Shpërndarje
ICTSlab nisi zyrtarisht në Shtator rrugëtimin inovativ me fëmijët 7-14 vjeç. Në ICTSlab, fëmijët mësojnë të kodojnë dhe kodojnë për të mësuar. Inagurohet në Tiranë qendra laboratorike e inovacionit ICTSlab, sjell kurrikulat e kodimit dhe robotikës më të avancuara ndërkombëtare

Shtëpia botuese lider në rajon në fushën e teknologjisë dhe informacionit, ICTSmedia organizon të Enjten ceremoninë e inaugurimit të ICTSlab, laboratorit multi-funksional të themeluar në Prill të 2018-ës, i cili do të përgatisë të rinjtë shqiptarë për sfidat e shekullit 21, si pjesë e vizionit për të mbështetur prosperitetin e të gjithë rajonit në aspektin e arsimit, komunikimit dhe teknologjisë moderne.

Kompjuteri është si një kuti magjike, nëpërmjet të cilës ne mund të krijojmë gjithçka”. Kështu e përkufizon kompjuterin një nga fëmijët e grupeve të para që kanë nisur rrugëtimin e tyre inovativ në qendrën ICTSlab.

Për ta, ICTSlab është laboratori që transformon idetë e tyre në realitet.  Për ICTSlab, ata janë liderët e së ardhmes, të cilët do të mund të transformojnë realitetin në vendin e ëndrrave të tyre.

Hapja e dyerve të ICTSlab në Tiranë sjell disa prej kurrikulave më të avancuara ndërkombëtare në shkencë, teknologji, inxhinieri dhe matematikë. Vënia në praktikë e këtyre njohurive me metodologjitë më moderne të mësimdhënies, do të ndihmoj fëmijët në zhvillimin e aftësive kyçe të zgjidhjes së problemeve, nxitjen e të menduarit kritik dhe kreativ, promovimit të punës në ekip dhe eksplorimet artistike me mjetet më të mira dixhitale.

Në këtë aktivitet do të nderojnë me pjesëmarrjen e tyre personalitete nga qeverisja qendrore dhe lokale, sipërmarrës të shquar, akademikë, përfaqësues të trupave diplomatike në Tiranë, anëtarë të spikatur të komunitetit të teknologjisë në Shqipëri si edhe entuziastë.

Në mbështetje të kësaj iniciative të re të ICTSmedia, e cila premton të sjell inovacion në arsimimin e të rinjve shqiptar, në ceremoni do të marrin pjesë dhe Kryetari i Bashkisë së Tiranës, Erion Veliaj dhe Zëvendës Ministrja e Arsimit, Besa Shahini.

ICTSlab është themeluar në Tiranë si një fryt i eksperiencës së suksesshme disa vjeçare të kompanisë ICTSmedia, Albanian ICT Awards dhe partneritetit të zgjeruar.

Ceremonia e inagurimit ICTSlab
Qyteti: Tirana | Vendi: Rruga Stavro Vinjau Nd.2, H.9, Ap.7 (Rruga e Elbasanit, pranë Ambasades Amerikane)
Vendodhja në Google Maps: https://goo.gl/maps/qwc1sJjwLTm
Data: 08.11.2018 (E Enjte)
18:00 – 18:30 Registration & Networking Cocktail
18:40 – 18:50 Fjalë mirëseardhjeje nga përfaqësues i ICTSlab
18:50 – 19:00 Fjalë përshëndetëse z. Erion Veliaj, Kryetari i Bashkisë së Tiranës
19:00 – 19:15 Vizitë në klasat e Kodimit me fëmijët 7-14 vjeç

ICTSlab nisi zyrtarisht në Shtator rrugëtimin inovativ me fëmijët 7-14 vjeç. Në ICTSlab, fëmijët mësojnë të kodojnë dhe kodojnë për të mësuar.

Rreth ICTSmedia

ICTSmedia, si një shtëpi botuese lider në median e ndërlidhur me Teknologjinë e Informacionit, Komunikimit dhe Sigurisë, prej gjashtë vitesh organizon garën e mirënjohur kombëtare në fushën e teknologjisë, Albanian ICT Awards. Gjithashtu, është publikuese e disa prej mediave më të spikatura të teknologjisë në Shqipëri dhe rajon si PCWorld.al, CIO.al, GameWorld.al dhe CryptoWorld.al, fal partneritetit me shtëpinë botuese globale IDG.

Lajmet e fundit>