Lajmet

Instrumentet e reja të teleskopit Hubble sjellin imazhe të mrekullueshme

Publikuar , 10 Shtator 2009
0
Instrumentet e reja të teleskopit Hubble sjellin imazhe të mrekullueshme

Imazhet e reja përfshijnë imazhe me shumë ngjyra e me gjatësi të valëve të shumta të galaktikave të largëta, grumbull më të dendur të yjeve të paketuar dhe një nebulë në formë fluture.

Instrumentet e reja të Hubble janë më të ndjeshme ndaj ndriçimit dhe mbulojnë spektrin nga depërtimi i drejtpërdrejt i ndriçimit ultra vjollce e deri tek ndriçimit të afërt infra të kuq. “Teleskopit i është dhënë një përpunim ekstrem dhe tani ai është shumë më i fuqishëm se më parë, i pajisur në maksimum për të punuar për mrekulli deri në dekadën e ardhshme” tha Ed Weiler, asistent administrator për Drejtoratin Shkencorë të misioneve të NASA-s, pranë qendrës kryesore të NASA.

Imazhet paraqitura tregojnë tema si : Një shpërthim dramatik i artë tregon sesi një yll ngutet për të gjetur jetë në nebulën Carina, gjersa një yll në vdekje në anën tjetër lëshon një gaz super të nxehtë në një formacion të ngjashëm me fluturën, etj.

Gjatë tre muajve të fundit, shkencëtarët dhe inxhinierët pranë Space Telescope Sci Insitute (STScI) dhe pranë Goddard Space Flight Center janë fokusuar, në testimin dhe kalibrimin e instrumenteve. Hubble tani futet në një fazë të observimeve të plota shkencore.

Ka shumë punë për tu bërë. Në listën e punëve me radhë gjendet studimi i popullimit të objekteve në Rripin Kuiper, që gjendet në periferi të sistemit tonë solar, pastaj observimi i planetëve të lindura përreth yjeve tjera dhe shqyrtimi i përbërjes dhe strukturës së atmosferëve të planetëve ekstrasolare.

Ekzistojnë gjithashtu edhe plane ambicioze për të bërë portretin më të thellë infra të kuq të universit për të shpalosur për herë të parë galaktikat e pafundme që kanë ekzistuar kur universi ishte më pak se 500 milion vjet i vjetër.

LEXO EDHE:  Administrata Tatimore ofron 9 lloje vërtetimesh online

Observime tjera të planifikuara do të tentojnë të vënë në pah sjelljen e energjisë së errtë, që është një forcë refuzuese që është duke ndarë universin me një shpejtësi të paparë deri më tani.

Shikoni më detajisht imazhet nga Hubble, këtu.

Lajmet e fundit>