Harduer

Intel debuton çipat mobil Nehalem

Publikuar , 23 Shtator 2009
0
Intel debuton çipat mobil Nehalem

“Përmes veçorive inteligjente si teknologjisë së përshpejtimit turbo, teknologjisë hyper-threading dhe të tjerave, Intel ka revolucionuar procesorin e laptopit, duke sjellë performancën në momentin që ju duhet dhe efikasitetin energjetik kur nuk ju duhet” tha Perlmutter. “Për herë të parë, përdoruesit mobil mund të zgjedhin një laptop që sjellë shpejtësi të ngjashme me server të internetit, mu në prehër të tyre për të kryer detyrat më të mundimshme, për lojëra intensive e deri tek editimi i videove digjitale dhe përdorimi i aplikacioneve të medias sociale”.

Perlmutter shpjegoi se teknologjia turbo boost (përshpejtim turbo), shtynë para shpejtësinë e clock-ut të procesorit deri në 75% për t’u përshtatur me ngarkesën e detyrave, gjersa hyper-threading i avancuar sjellë performancën të përmirësuar në aplikacione që kërkojnë shumë fuqi procesorike. Ky procesor mobil gjithashtu do të përfshijë përkrahje dy-kanalëshe DDR3 1333 MHz dhe grafikë të plotë 1X16 ose 2×8 PCI Express 2.0.

Përveç kësaj, Perlmutter komentoi edhe platformën Arrandale të bazuar në Nehalem, e cila pritet të veçohet me procesor 32nm, së bashku me një çipset grafik 45nm. Ai gjithashtu shfaqi një laptop koncept të njohur si Tangent Bay, i cili kishte tri, mini ekrane të ndjeshme në prekje të vendosura mbi tastierë dhe nën ekranin primar.

Në fund, Perlmutter foli edhe për progresin e Intel në fushën e procesorëve mobil, gjë që filloi me Menlow, vazhdoi me Moorestown dhe evuloi në Medfield, ku ky i fundit pritet të paraqitet dikur në vitin 2011.

LEXO EDHE:  Huawei injoron ndikimin e sanksioneve amerikane, fillon bisedimet me Google

Lajmet e fundit>