Lajmet

iOS 14.7.1 nuk ka veçori të reja por adreson dy probleme të rëndësishme

Nga: PCWorld
Publikuar , 27 Korrik 2021
Versioni më i fundi i macOS, Big Sur 11.5.1 që mund ta shkarkoni nga dita e sotme adreson të njëjtin problem dhe është përditësim i rekomanduar për të gjithë përdoruesit. iOS 14.7.1 nuk ka veçori të reja por adreson dy probleme të rëndësishme

Fiks një javë nga debutimi i iOS 14.7, Apple ka dërguar një përditësim të ri për përdoruesit e iPhone dhe iPad. Me një madhësi prej 900MB, iOS 14.7.1 nuk përmban veçori të reja por adreson një problem i cili kishte depërtuar në iOS 14.7.

Problemi bllokonte qasjen në Apple Watch përmes Touch ID në iPhone. Prandaj nëse përdorni një model të vjetër iPhone së bashku me një orë Apple, këtë përditësim duhet ta shkarkoni sa më parë.

Apple gjithashtu thotë se iOS 14.7.1 adreson edhe një problem sigurie që mund të jetë shfrytëzuar nga hakerët. Në një dokument suporti, kompania thotë se problemi i sigurisë lejonte ekzekutimin e kodit arbitrar me privilegje kerneli.

Versioni më i fundi i macOS, Big Sur 11.5.1 që mund ta shkarkoni nga dita e sotme adreson të njëjtin problem dhe është përditësim i rekomanduar për të gjithë përdoruesit.

Nëse ende nuk ju ka mbërritur njoftimi për iOS 14.7.1, atëherë mund ta kontrolloni manualisht. /PCWorld Albanian

LEXO EDHE:  Platforma e krijimit të dyqaneve online Hermex fitues në programin fintech Elevator Lab