Lajmet

IPKO me internet të shpejt dhe të lirë

Publikuar , 28 Korrik 2012
0
IPKO me internet të shpejt dhe të lirë

Si njëri ndër ofruesit kryesor të shërbimeve të telekomunikacionit në Kosovë, IPKO ka lansuar pakon më të shpejt të internetit për tregun e Kosovës, si nevojë për të ju përgjigjur kërkesave gjithmonë në rritje të tregut, si dhe për të avansuar përvojen e përdorimit të internetit të shpejtë për punë, apo nevoja personale, ka njoftuar IPKO përmes një komunikate për media.

“Duke e vërejtur se puna, edukimi dhe biznesi i shumë qytetarëve të Kosovës sot varet gjithnjë e shumë nga interneti, ne kemi vendosur që të krijojmë një pako me shpejtësi maksimale të internetit, me të cilën ne synojmë që të përshpejtojmë komunikimin dhe qasjen e kosovarëve në internet”, deklaroi Robert Erzin, drejtor ekzekutiv i kompanisë IPKO.

Me lansimin e “Pako 5”, IPKO tani ofron internet me shpejtësi deri në 80Mbps, me limit të transferit të përmbajtjes në 200GB, ndërsa pas tejkalimit të transferit të lejuar, shpejtësia e pakos vazhdon me shpejtësi prej 10Mbps.

Në anën tjetër, IPKO ka liruar edhe çmimin e pakos 4 të internetit, çmimi mujor i së cilës është zbritur nga 39.95 në 29.95 euro, ndërsa konsumatorët të cilët e blejnë këtë pako për periudhë 1 vjeçare do të kursejnë 50 euro – duke marrë beneficionet e njëjta të pakos. (PCWorld Albanian)

LEXO EDHE:  Adobe ka trajnuar një sistem IA që identifikon manipulimin e fotove me Photoshop

Lajmet e fundit>