Biznes

Italia gjobit operatorët celularë për një praktikë që është aplikuar edhe në Shqipëri

Nga: PCWorld Albanian
Publikuar , 03 Shkurt 2020
0
Telecom Italia u gjobit me 114 milionë euro, Vodafone me 60 milionë euro, Wind Tre me 39 milionë euro dhe Fastweb me 14 milionë euro. Italia gjobit operatorët celularë për një praktikë që është aplikuar edhe në Shqipëri

Autoriteti Italian i Konkurrencës gjobiti me 228 milionë euro katër operatorë celularë në Itali sepse ofronin në treg paketa 28-ditore.

Operatorët u akuzuan për shkelje të rregullave të konkurrencës pasi ofruan këto paketa në treg në 2017-ën duke rezultuar që përgjatë një vit kalendarik të paguanin 13 paketa dhe jo 12.

Telecom Italia u gjobit me 114 milionë euro, Vodafone me 60 milionë euro, Wind Tre me 39 milionë euro dhe Fastweb me 14 milionë euro.

Në Mars të 2018-ës autoritetet morën masa për rikthimin e paketave 30 ditore.

Kujtojmë se edhe në Shqipëri një praktikë e tillë ndalua nga Autoriteti i Komunikimeve Elektronike (AKEP) duke rikthyer në treg paketat 30 ditore por që operatorët celularë Vodafone Albania, Telekom Albania dhe ALBtelecom i shpëtuan gjobave.

Tre operatorët bënë ndryshimin e periudhës së përdorimit nga 30 në 28 ditë në Prill të 2016-ës për ti rikthyer në 30 ditore në Qershor të 2018-ës nën presionin e autoriteteve. /PCWorld Albanian

LEXO EDHE:  Grupi Vodafone rikthehet tek fitimi