Harduer

Ja sesi Apple u mashtrua nga disa iPhone të falsifikuar

PCWorld Albanian Nga: PCWorld Albanian
Publikuar , 23 Maj 2019
0
Për ti shndërruar në para modelet prej së vërteti ai i dërgonte në Kinë për ti shitur përmes partneri i cili ja dorëzonte paratë mamasë së tij. Ja sesi Apple u mashtrua nga disa iPhone të falsifikuar

Disa modele false të iPhone kanë mjaftuar për të mashtruar vetë Apple që i prodhon, sidomos nëse nuk ndizen dot.

Quan Jiang, një Kinez i cili jetonte në Oregon të Shteteve të Bashkuara përfitoi nga një skemë garancie duke mashtruar gjigandin e teknologjisë dhe marrë plot 1,500 iPhone.

Sipas Bloomberg, Jiang importonte iPhone të rremë nga Hong Kongu dhe sot është shpallur fajtor për trafikimin e sendeve të falsifikuara.

Raportohet e mëhershme thonin se ai bashkëpunonte me një tjetër person i quajtur Yangyang Zhou i cili gjithashtu është shpallur fajtor.

Dokumentet e gjykatës tregojnë sesi skema është orkestruar. Jiang kishte importuar 3,000 iPhone dhe dërguar pranë Apple për ti zëvendësuar përgjatë dy viteve. Ai u thoshte dyqaneve me emra të ndryshëm se pajisjet nuk ndizen më dhe duhet të zëvendësohen.

Kompania arriti ti zëvendësonte 1,493 të tillë dhe ti refuzonte 1,576 prej tyre. E gjitha kjo përkthehet në 895,000 dollarë humbje për gjigandin e teknologjisë.

Për ti shndërruar në para modelet prej së vërteti ai i dërgonte në Kinë për ti shitur përmes partneri i cili ja dorëzonte paratë mamasë së tij.

Jiang rrezikon deri në 10 vite burg dhe 2 milionë dollarë gjoba. Dënimi i tij do të jepet më 28 Gusht. /PCWorld Albanian

LEXO EDHE:  Hyundai prodhon një makinë me panele diellore

Lajmet e fundit>