Ja se si

Ja sesi të aktivizoni automatikisht “Dark Mode” në iOS 13

PCWorld Albanian Nga: PCWorld Albanian
Publikuar , 14 Tetor 2019
0
Kështu gjatë ditës mund të keni temën e bardhë ndërsa në mbrëmje temën e errët duke aplikuar më pak presion ndaj syve tuaj. Ja sesi të aktivizoni automatikisht “Dark Mode” në iOS 13

Funksioni më intrigues i iOS 13 është padyshim ndërfaqja e errët e njohur edhe si “Dark Mode”. Ai është një distancim i qartë prej ngjyrës së bardhë që ka dominuar iOS prej vitesh por një funksion i shumëpritur dhe shumëkërkuar nga përdoruesit.

Ndërfaqen mund ta aktivizoni manualisht nga Qendra e Kontrollit ose duke hyrë në Settings por për fat të mirë Apple ka përfshirë një opsion i cili e aktivizon automatikisht në varësi në orës.

Kështu gjatë ditës mund të keni temën e bardhë ndërsa në mbrëmje temën e errët duke aplikuar më pak presion ndaj syve tuaj.

Aktivizimi automatik i temës është i thjeshtë.

  1. Sigurohuni se keni të instaluar iOS 13 duke shkuar në Settings > General > Software
  2. Hapni aplikacionin Settings dhe navigoni në Display & Brightness
  3. Aktivizoni opsionin Automatic nën opsionin Appearance
  4. Klikoni butonin Options për të përcaktuar orarin e aktivizimit automatik
  5. Zgjidhni ose opsionin Sunset to Sunrise i cili përdor vendndodhjen tuaj për të përcaktuar temën e errët ose të bardhë, ose mund të vendosni vetë një orar /PCWorld Albanian
LEXO EDHE:  Libra nuk është ndërtuar për të zëvendësuar paratë tradicionale

Tags >

AppleiOS
Lajmet e fundit>