Lajmet

“Java e Edukimit në Shkenca Kompjuterike”, Hour of Code edhe në Shqipëri

Publikuar , 12 Dhjetor 2014
0
“Java e Edukimit në Shkenca Kompjuterike”, Hour of Code edhe në Shqipëri

13104_10152958707059903_1931570919540757994_nDatat 08- 12 dhjetor shënojnë në mbarë botën “Javën e Edukimit në Shkenca Kompjuterike” dhe në kuadër të saj po mbahet edhe Hour of Code. Nismë kjo e ndërmarrë nga Code.org dhe mundësohet edhe për Shqipërinë falë bashkëpunimit të kësaj të fundit me Microsoft Corporation.

Kompania Microsoft Albania dhe Qendra Protik ditën e djeshme, më 11 dhjetor 2014, organizuan një aktivitet me sloganin “Ka një fillim për secilin prej nesh” (“Everyone starts somewhere”). I ftuari i parë ishte Lorenc Bako, këshilltar i Ministres së Shtetit për Inovacion dhe Administratë Publike, i cili u shpreh se përpjekjet e qeverisë për ti nxitur nxënësit drejt programimit dhe inovacionit do të jenë të shumta. “Nxënësit duke mësuar kodimin i mundësojnë vetes të krijojnë teknologjinë dhe programet vetë, dhe jo thjesht të jenë përdorues të saj” përfundoi ai.

Gjithashtu i ftuar ishte edhe Agim Bejkaj, drejtori i përgjithshëm i Microsoft Albania, i cili inkurajoi çdo prind, mësues, nxënës drejt rrugës së bukur të kodimit. Në kuadër të Javës së Edukimit në Shkencat Kompjuterike, nxënësit e shkollave Emin Duraku dhe Gjergji Canco janë trajnuar dhe kanë mësuar gjuhën e kodimit ,duke krijuar kështu lojëra të ndryshme, të cilat u prezantuan në aktivitetin e djeshëm.

Ky trajnim mundësohet falë programeve dhe burimeve Microsoft si Microsoft TEALS, TouchDevelop, Kodu Cup dhe Imagine Cup në bashkëpunim me qendrën Protik. Aktiviteti vijoi më pas me workshop mbi të mësuarin e kodit si dhe me prezantimet finale të lojërave të krijuara nga nxënësit.

Shefi ekzekutiv i Microsoft, Satya Nadella më parë ka konsideruar se: “Ora e Kodit u ndihmon studentëve dhe nxënësve që të zbulojnë kënaqësinë e kodimit dhe ajo që është më me rëndësi, u mundëson atyre të kuptojnë se si kjo mund të jetë një katalizator për të arritur në realizimin dhe krijimin e shumë ideve. Së bashku ne mund të nxisim gjenerata të tëra të rinjsh që do të kenë talent në fushën e teknologjisë dhe që posedojnë pasionin dhe energjinë për të bërë ndryshime”

LEXO EDHE:  Me mbështetjen e ICTSlab, Microsoft Albania dhe SwissContact sjellin Hour of Code në Tiranë

Deri në këtë moment kanë qenë 69,790,376 individë të çdo moshe të cilët kanë provuar një Hour of Code, duke filluar që me presidentin e SHBA-së Barack Obama, Shakira, Ashton Kutcher dhe shumë të tjerë. Këtu mund të gjeni një video lidhur me përfshirjen sa më të gjerë të njerëzve të ndryshëm në Hour of Code.

[youtube id=”FC5FbmsH4fw”]

(“If you can create technology , you can change the world”) – Nëse ju mund të krijoni teknologjinë, ju mund të ndryshoni botën, prandaj mund të filloni që sot. Faqja e kodimit për Shqipërinë. (PCWorld Albanain)

Lajmet e fundit>