Lajmet

Korea e Veriut u jep akses në internet vizitorëve, por jo qytetarëve

Publikuar , 24 Shkurt 2013
0
Korea e Veriut u jep akses në internet vizitorëve, por jo qytetarëve

KoreaBrenda pak ditësh, vizitorët e Koresë së Veriut do të kenë mundësi të navigojnë në internet duke përdorur madje edhe pajisje me rrjet 3G.

Sipas Associated Press, konsumatorët e kompanisë së telekomit Koryolink, që jetojnë në Pyongyang, kanë dëgjuar fjalë se firma do të lançojë shërbimin e internetit 3G, ekskluzivisht vetëm për vizitorët e huaj brenda datës 1 mars.

Ndërkohë, qytetarët koreano-veriorë kanë vetëm akses në shërbime si MMS, telefonata video, si dhe tek një gazetë shtetërore që mund ta lexojnë përmes rrjetit 3G. Aksesi i gjerë në ueb vazhdon të mbetet luks i vetëm një pjese shumë të vogël të popullsisë (akses, i cili sigurisht është miratuar më parë nga shteti).

Vizitorët e huaj do të kenë mundësi të blejnë plane tarifore mujore për t’i përdorur ato përmes USB-ve ose kartave të tyre SIM. Ende nuk e dimë (edhe pse vështirë të thuhet) nëse vizita e fundit e Eric Schmidt para pak kohësh në Korenë e Veriut ndikoi tek ky vendim.

Korea e Veriut lejon tashmë turistët të marrin me qera telefonë apo karta SIM

Të presim dhe të shpresojmë që Señor Schmidt të vizitojë edhe Kubën në të ardhmen. (PCWorld Albanian)

LEXO EDHE:  Guvernatori i Bankës së Anglisë del në mbrojtje të kriptomonedhës së Facebook

Tags >

internet
Lajmet e fundit>