Harduer

Më 10 Nëntor Apple bën lëvizjen e madhe

Nga: PCWorld
Publikuar , 02 Nëntor 2020
Edhe videoja e eventit publikuar nga Apple të drejton nga Mac ku logoja e kompanisë shfaqet duke u ngritur drejt shikuesit njëlloj sikur të ishte duke hapur një laptop të kompanisë. Më 10 Nëntor Apple bën lëvizjen e madhe

Apple do të mbajë një aktivitet më 10 Nëntor i cili do të shohë kompaninë të prezantojë kompjuterët e parë Mac me procesorin e krijuar nga vetë Apple në vend të procesorëve Intel që kompania përdor që prej 2005.

Gjuha e përdorur e ftesës të lë të kuptosh për çfarë bëhet fjalë: “Edhe një gjë,” që është përdorur nga ish CEO legjendar i kompanisë Steve Jobs. Hera e fundit që Apple ka përdorur këtë shprehje është debutimi i iPhone X në 2017.

Edhe videoja e eventit publikuar nga Apple të drejton nga Mac ku logoja e kompanisë shfaqet duke u ngritur drejt shikuesit njëlloj sikur të ishte duke hapur një laptop të kompanisë.

Planet për kalimin në procesorët e saj Apple i bëri publike në Qershor në konferencën WWDC. Apple mendon se mund të marrë më shumë performancë me konsum më të ulët energjie duke përdorur çipet e ARM në vend të Intel.

Së bashku me Mac e rinj me shumë gjasa do të shohim debutimin e macOS 11 Big Sur. /PCWorld Albanian

LEXO EDHE:  Twitter ndryshon mënyrën sesi shfaqen imazhet

Tags >

AppleMac