Lajmet

Microsoft përditëson disa aplikacione me dizajnin e ri të Windows 11

Nga: PCWorld
Publikuar , 13 Gusht 2021
Përdoruesit e aplikacioneve të e-mail-it dhe kalendarit do të jenë ata që i gëzohesn më së shumti këtyre ndryshimeve. Microsoft përditëson disa aplikacione me dizajnin e ri të Windows 11

Microsoft ka rimodeluar disa prej aplikacioneve që vinë me Windows 11 siç janë makina llogaritëse, aplikacioni i e-mail-it dhe kalendarit.

Në një postim në Windows Blog, Microsoft ju dha përdoruesve një paraqitje paraprake sesi këto aplikacione do të duken në Windows 11.

Përdoruesit e aplikacioneve të e-mail-it dhe kalendarit do të jenë ata që i gëzohen më së shumti këtyre ndryshimeve. Fillimisht aplikacionet kanë skaje të rrumbullakosura për tu përshtatur me pamjen e re të Windows 11.

Dark mode mund të aplikohet tek secili prej këtyre aplikacioneve, diçka që në fakt mund të bëhej edhe në Windows 10.

Së fundi aplikacioni i makinës llogaritëse ka pësuar ndryshime. Është rishkruar në C# që do të thotë se zhvilluesit mund të kontribuojnë në GitHub.

Sipas raportimeve Windows 11 do të debutojë në Tetor të 2021. Nëse nuk prisni dot deri atëherë mund të provoni një version eksperimental duke u regjistruar në programin Windows Insider. /PCWorld Albanian

LEXO EDHE:  Clubhouse shton 13 gjuhë të reja