Lajmet

Microsoft sjell njoftimet e telefonëve tuaj Android në PC

PCWorld Albanian Nga: PCWorld Albanian
Publikuar , 28 Prill 2019
0
Kompania ka dërguar një version eksperimental të Windows 10-ës i cili mund të tregojë njoftimet Android edhe në PC. Microsoft sjell njoftimet e telefonëve tuaj Android në PC

Microsoft ka mbajtur sot një prej premtimeve më të mëdha, atë të aplikacionit Your Phone. Kompania ka dërguar një version eksperimental të Windows 10-ës i cili mund të tregojë njoftimet Android edhe në PC.

Mesazhet dhe njoftimet më të rëndësishme tashmë do të mbërrijnë në kompjuter. Përdoruesit mund të fshijnë të gjitha njoftimet njëherazi ose një nga një.

Çdo veprim i bërë në kompjuter do të reflektohet edhe në telefon. Funksioni gradualisht do të dërgohet tek insajderët e Windows me ndërtimin 1803 (RS4).

Gjithashtu duhet të keni telefon Android 7.0 Nougat ose më të ri dhe të paktën 1GB RAM. Një opsion që i mungon kësaj risie është fakti se nuk mund tu përgjigjen njoftimeve.

Nëse në të ardhmen Microsoft e mundëson diçka të tillë atëherë do të ishte vitale për aplikacione si Snapchat dhe të tjerë që nuk kanë një prezencë në desktop. /PCWorld Albanian

LEXO EDHE:  Sektori i internetit kontribuon 2.1 miliard dollarë në ekonominë e SHBA

Lajmet e fundit>